漢堡王 (Closed)

上個禮拜日去機場送機，又未食野。機場係好多野食，但唔通食大記、快活呢大路野咩。所以就黎左呢度，雖然好想去第二客運大樓到食，但驚唔夠時間，就呢度食。天椒華堡呢個係機場同山頂先有得食既，我覺得個汁辣辣地。幾開胃架。牛肉都唔錯，燒過係唔同。牛肉好有肉味，又唔會太韌，幾好。當然，個包有我鍾意既洋蔥味，生生地既味好正呀！洋蔥圈呢個唔使加錢轉既，粉又唔係太厚。又夠洋蔥味，哂鍾意食洋蔥既我。本來以為份量唔算太多，唔會太飽。食完之後覺得好飽呀，可能係牛肉既份量啦。整體上，真係好正。