Video
Read full review
2020-01-15
267 views
紅磡名物「時新漢堡包」自從搬左入黃埔都未試過, 今日終於抽到空去緬懷一番。平日晚6時多來到, 餐廳入座率都不錯, 而且有不少客人幫襯, 大家果然識貨！ 搬左入黃埔的時新, 店舖不算太大，半開放式廚房已佔去大部份地方，所以師傅整漢堡時就能一目了然。 店舖裝修簡約，光猛整潔，靠窗有卡位, 其實枱椅排得貼貼地，但勝在樓底算高，加上落地玻璃, 拉番大個空間感。 - 香港Style 快餐廳所賣的食物貴精不貴多，全部都係大家兒時回憶, 手打漢堡包仍然不變, 當然要黎番個雙層漢堡芝士蛋包先! 雙層漢堡芝士蛋包 包有先烘烤過, 而漢堡係用人手剁肉, 加上自家配方整成, 漢堡、芝士同煎蛋係鴛鴦梅花間竹地排起, 漢堡唔算好厚, 但漢堡裡面的牛肉肉質香軟嫩滑, 最重要係牛肉脂肪係口腔內蕩漾, 加上秘制沙律汁, 同出面的連鎖漢堡包係無得比! 當然除左漢堡包, 仲有好多香港style 的晚餐， - 煎鴛鴦扒飯/意粉餐, 配咖啡或茶及羅宋湯 羅宋湯（套餐） 細細碗，味道飲落比較單薄，但感覺無味精, 係香港style 的羅宋湯, 味道不過不失! - 煎鴛鴦扒選了牛扒和豬扒配茄汁 豬扒
紅磡名物「時新漢堡包」自從搬左入黃埔都未試過, 今日終於抽到空去緬懷一番。平日晚6時多來到, 餐廳入座率都不錯, 而且有不少客人幫襯, 大家果然識貨！
搬左入黃埔的時新, 店舖不算太大，半開放式廚房已佔去大部份地方，所以師傅整漢堡時就能一目了然。
店舖裝修簡約，光猛整潔，靠窗有卡位, 其實枱椅排得貼貼地，但勝在樓底算高，加上落地玻璃, 拉番大個空間感。
-
香港Style 快餐廳所賣的食物貴精不貴多，全部都係大家兒時回憶, 手打漢堡包仍然不變, 當然要黎番個雙層漢堡芝士蛋包先!
雙層漢堡芝士蛋包
包有先烘烤過, 而漢堡係用人手剁肉, 加上自家配方整成, 漢堡、芝士同煎蛋係鴛鴦梅花間竹地排起, 漢堡唔算好厚, 但漢堡裡面的牛肉肉質香軟嫩滑, 最重要係牛肉脂肪係口腔內蕩漾, 加上秘制沙律汁, 同出面的連鎖漢堡包係無得比!
當然除左漢堡包, 仲有好多香港style 的晚餐，
-
煎鴛鴦扒飯/意粉餐, 配咖啡或茶及羅宋湯
羅宋湯（套餐）
細細碗，味道飲落比較單薄，但感覺無味精, 係香港style 的羅宋湯, 味道不過不失!
-
煎鴛鴦扒選了牛扒和豬扒配茄汁
豬扒醃得入味，肉質鬆化，而且牛扒都唔錯, 整體黎講有水準。港式Style 茄汁酸香鮮活, 撈飯食係一流!
除左漢堡, 炸雞脾都係呢度的名物，仲可以跟餐配粉麵
雞脾即叫即炸, 隻雞脾仲非常之大件，上枱時係熱辣辣，仲幾燙手tim。最重要係入口外皮香脆，唔會覺得油膩，肉質食落仲好juicy!
跟餐配的大碗米線，份量交足功課, 夠滑溜, 可以配黑椒汁/ 咖哩汁, arm 怕清湯淡的朋友。
兩個餐跟餐夜晚叫左凍檸茶同熱檸茶, OK, 茶濃之餘檸檬也新鮮!
Post
