阿叔泰麵 (積信街) (Closed)

咁耐無去泰國旅行，突然好想食船麵，上網搵，好多人都推介呢間阿叔泰麵，一於放工約埋同事一齊去試吓先～餐廳裝潢同壁畫都好色彩繽紛，充滿泰國風，好eye-catching！牛肉船麵牛肉燉煮得好軟嫩，吸滿湯汁，啖啖肉好juicy～湯底濃郁鮮甜，麵底揀咗蛋麵，爽口有嚼勁～配料仲有牛丸、芽菜、炸豬皮等等，好豐富！建設可以加埋白醋、白糖、魚露同辣椒粉，提升味道層次，更加惹味～ 楊叔叔豬手飯 豬手肥瘦適中，炆煮至肉質超軟，入口即溶，啖啖肉相當入味！醬汁香甜拌飯一流～ 飛天通菜可以自行揀辣度，夠哂貼心～炒得好有鑊氣，熱辣辣上枱，通菜夠新鮮，索滿醬汁超惹味！ 肉碎生菜包每次食泰菜必點！肉碎香濃酸辣，好有咬口，再用清爽生菜包住黎食，超夾！！ 凍泰式檸檬茶 第一次試泰式奶茶底既檸檬茶，估唔到味道出奇地夾，飲落清爽好解渴～