牛摩+ (沙田中心) (Closed)

今日同朋友慶祝生日，揀咗食火鍋放題，夜晚揀咗最貴嘅極品美國牛小扒套餐$349一位、90分鐘任食。有多款牛肉、雞肉、豬肉、羊肉、海鮮、其他火鍋，配料等等。呢度一人一鍋，我哋揀咗沙嗲湯底及蟲草花雞白湯。沙嗲湯底非常香濃，淥牛肉真係非常正。蟲草花雞白湯清清地，雞白湯味香濃，淥海鮮唔錯。呢個QR code自助落單非常方便，除咗QR code落單出邊仲有多款火鍋配料。仲有飲品任飲甜品任食。我哋每款肉都點咗少少、亦都點咗啲海鮮。牛肉款款都好食，個人推介牛小排及SRF和牛，質感好好，啲肉味好香濃。海蝦、扇貝啲海鮮都新鮮。啲湯底都好正，尤其係咖喱湯底，好香辣，啲味道好突出。啲配料都好豐富。