吉野家 (Closed)

我們是去中環店的。熱到無倫去遊行，真係講唔出咁辛苦。原本起行時有八人，行到最後得番三個，因為起程果陣搵唔到地方食野，行緊果陣當然無想食的衝動，行完不期然又倦又熱又肚餓。諗住係咁易食下就算，與其去把鬼快餐店或老麥KFC，倒不如來吃牛肉飯。菲藉女士加上遊行人士，六點幾都好多人，我地三個一眼關七咁搵位，好彩都唔算企得太耐，如果唔係未吃已虛脫倒地！香港的吉野家，除了牛肉，還有雞及三文魚等。來得吉野家，是全無興趣吃其他的，於是齊齊叫了25蚊的牛肉飯套餐，有大牛肉飯一碗，味噌湯及百事可樂一杯。牛肉飯份量仍不少，又平又食得飽，是牛井店如呢度及松屋等的特色，牛肉加洋蔥一片片的不算少，飯是珍珠米又有肉汁伴吃，仍然是好有水準啊！如果香港的吉野家能效法日本那邊賣埋納豆同生雞蛋就更正。信我！熱辣辣牛肉飯+生雞蛋+納豆是最佳拍檔，下次去日本一定要試。可能以前曾長時間以呢味維生，所以快餐很少吃，牛肉飯算是吃得最多的快餐食品，是百吃不厭的。