澳門丸記清湯腩王 (Moved) New Location

今日無咩胃口，於是下午想簡簡單單食碗麵。依家石門多咗好多食肆，今日一於試下呢間清湯腩王嘅丸記先。叫咗個牛腩魚片頭麵，賣相唔錯！先試下個湯，好清甜，同有一陣好濃烈嘅藥材味。我個人覺得都還可以，諗住個牛腩都應該唔錯啦…點知，出事了～個牛腩無牛味，基本上無咩味～ 肉質好韌，黐牙。魚皮頭都無咩特别～街市貨式。好在無咩胃口，本住“好又一餐唔好又一餐”嘅心態，諗住食完個麵就走。見碗麵有一件蘿白，又本住順手食埋嘅心態，點知有驚喜！個蘿白清甜非常，好入味，無渣～係我今年食過最好食嘅蘿白～結果我都係食曬食碗麵。埋單連凍飲要五十五蚊，算幾貴下，唔係咁值～