生龍清湯腩 (Closed)

見佢懶專業，以牛腩做招牌，落單又問你要肥定瘦、稔定爽，以為好認真製作。結果，所謂牛腩，根本唔係脂肪與肉相間，或者帶筋膜嘅牛腩，而係肥還肥、肉還肉、死死實實嘅一舊牛肉。可以話有生以來，未食過咁韌咁鞋嘅「牛腩」，仲要三十幾蚊一碗，簡直有被呃嘅感覺！唔計牛腩，啲湯同啲麵都叫合乎水準。但係碗麵要等成20分鐘至到。計晒價錢、食品質素同服務，呢間嘢都唔合格。食佢，不如求其喺街市搵一間大排檔好過。