Video
Read full review
2023-04-11
256 views
潮龍園今日針灸前喺阜財街食牛腩麵，呢間叫「潮龍園」，記得之前喺荃灣食過呢間，呢間牛腩好正，而且又平，所以再入去食過，餐廳仲有生餃同生雲吞賣添！呢間餐廳門口有一級，我又出動我塊斜板，店員話我利害，讚我帶私伙野好叻，喺香港要食地道好味野當然一定唔少得要帶定斜板，有斜板等於有美食食！一入去餐廳入面店員第一時間比最近門口位比我坐，因為我坐近收銀位落單都快d，唔洗5分鐘到齊哂所有野食，枱上面仲有鹽、醋同辣椒油比食客加，非常細心！1.五香牛什粗麵$32（9/10）呢碗牛什粗麵入面牛什款款都有，牛腸無異味，洗得好乾淨，又夠哂肥美。牛肺都洗得好乾淨，鮮味爽脆。金錢肚炆得夠淋，牛膀又唔羶，成碗牛什接近10舊，份量算多，好好味！😋😋😋2.柱侯牛腩河$32（9/10）本來想叫崩沙腩，店員話呢排崩沙腩缺貨，最後叫咗柱侯牛腩河，牛腩夠入味，而且炆得夠淋，最估唔到價錢咁平都仲有7舊牛腩！👍👍👍3.炸香酥魚皮$15（8/10）呢個炸魚皮薄身脆口，炸得好酥脆，每舊魚皮有成手半咁闊，$15有成7大舊，算好平！2人總共價錢$79個人口味總評分：8.66/10地址：元朗阜財街14號宏豐大廈地下7號舖Please follo
今日針灸前喺阜財街食牛腩麵，呢間叫「潮龍園」，記得之前喺荃灣食過呢間，呢間牛腩好正，而且又平，所以再入去食過，餐廳仲有生餃同生雲吞賣添！
呢間餐廳門口有一級，我又出動我塊斜板，店員話我利害，讚我帶私伙野好叻，喺香港要食地道好味野當然一定唔少得要帶定斜板，有斜板等於有美食食！
一入去餐廳入面店員第一時間比最近門口位比我坐，因為我坐近收銀位落單都快d，唔洗5分鐘到齊哂所有野食，枱上面仲有鹽、醋同辣椒油比食客加，非常細心！
1.五香牛什粗麵$32（9/10）
呢碗牛什粗麵入面牛什款款都有，牛腸無異味，洗得好乾淨，又夠哂肥美。牛肺都洗得好乾淨，鮮味爽脆。金錢肚炆得夠淋，牛膀又唔羶，成碗牛什接近10舊，份量算多，好好味！😋😋😋
2.柱侯牛腩河$32（9/10）
本來想叫崩沙腩，店員話呢排崩沙腩缺貨，最後叫咗柱侯牛腩河，牛腩夠入味，而且炆得夠淋，最估唔到價錢咁平都仲有7舊牛腩！👍👍👍
3.炸香酥魚皮$15（8/10）
呢個炸魚皮薄身脆口，炸得好酥脆，每舊魚皮有成手半咁闊，$15有成7大舊，算好平！
2人總共價錢$79
個人口味總評分：8.66/10
地址：元朗阜財街14號宏豐大廈地下7號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#潮龍園 #元朗美食 #牛腩 #牛什 #元朗好去處 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
