池記 (Closed)

真係好多年無食過池記啦! 今次去銅鑼灣上course，中午有1小時食飯，見池記招牌咁醒目就揀食池記啦! 入到去望一望個menu，估唔到池記貴左咁多…… 但因為已經坐低左，啊姐又倒了茶，還是決定豪一次啦。(平時閒日lunch真係唔會食咁貴)要左一個牛腩雲吞麵配甜品紅棗蜜棗桑寄生蛋茶$82。雖然係貴左D，但食物質素真係唔錯。牛腩不會太肥又入味，雲吞食到大粒蝦肉又鮮味，麵也很爽身。紅棗蜜棗桑寄生蛋茶啊姐幫我後上。原本驚食完麵就已經飽曬，食唔落甜品。但麵的份量不會太多，食完仲有位食甜品。記得以前池記係冇甜品，所以都有d擔心佢甜品質素。又唔錯喎，好重中藥味(應該就係桑寄生味，聽說對女生很好的)，蛋唔係好入味，不過都幾好食。