順日本料理 (Closed)

Lunch 去天后覓食，冇認真做功課。諗住只係去食日本定食。點知係門口已經見到寫住牛舌專門店。入到去見到有三款牛舌定食，冇理由唔試吓。🐮厚燒牛舌飯定食$138嚟到嘅時候真係嚇親，食足足有5塊牛舌。每塊都有兩三吋厚。果下都幾肯定自己食唔哂。同同事分享左一塊，自己食左兩塊，兩塊最後要打包。店員仲有提示點樣翻熱牛舌。果然係牛舌專門店無誤。夠哂專業。雖然牛舌咁厚，但係非常腍，熱度十足，全部都係即刻燒。牛舌唔會有酥味，出邊燒得好香🤤🍤冷天婦羅烏冬$115天婦羅炸得，非常鬆脆。冷烏冬夠晒涼透心。牛舌非常好食，果然係專門店。不過建議女仔都係叫個迷你牛舌飯定食$118就夠。迷你牛舌定食有3塊牛舌，相信夠晒飽。