番茄師兄 (Closed)

呢間黃到金的餐廳係深水埗成日大排長龍。原來仲開咗兩間分店，分別喺灣仔同元朗。我哋就嚟到元朗嘅分店。6點開飯，唔需要排隊。（不過留到七點都係冇人排隊）叫左以下食物：🍜滑一滑 $4️⃣9️⃣蕃茄蛋配烏冬幾係隔離位必佢之選，因為佢鍾意食蛋😂佢仲話要加枱上面既醬汁，先係靈魂所在。我形容唔到佢既味道，坊間食唔到，有啲咸又有啲辣。無疑係令湯底既層次提升左。呢度既蛋滑之餘牛奶味道唔算濃，唔會太漏。配稻亭烏冬，穩陣之選～🍜帶子牛郎 $6️⃣9️⃣見到咁頂癮既菜名，就知道配菜係帶子同牛吧～小編鍾意食牛舌，呢度既牛舌大大塊又夠嫩，CP值超高👍蕃茄帶子略為腥，應該係解凍唔夠。蕃茄通既配搭係常識吧，茶記味道，正～🍢瑞士汁汁墨魚滑 $1️⃣8️⃣墨魚既肉質較鬆散，略有腥味，同瑞士汁唔夾。不推薦～🥤檸檬雪梨露 + $1️⃣8️⃣雪梨露幾足料，唔算太甜，幾清爽。但略嫌檸檬味唔夠。🥤阿答子柚子茶 + $1️⃣0️⃣第一次聽阿答子，原來係半透明、帶甜嘅棕櫚樹種子。口感柔韌，有趣既，但呢個配搭令飲品既味道甜上加甜。