巨一麵堂 (Closed)

咁岩附近經過見到依間拉麵店，門口寫住有牛舌拉麵，覺得幾特別，所以入去試下。因為普遍都係豬骨或者叉燒。不知是店員/老闆介紹醬油湯底，因為我話唔想要咁濃味。不過，我個人就唔係太喜愛麻油，所以個湯底就唔係咁岩我。本身我以爲牛舌係爽既，因為有時去日本料理既牛舌都係爽既。但可惜依款係「林」既，所以就唔係太鍾意。如果係爽既，我相信味道會好好多。另外，我揀左溏心蛋，溏心蛋既味道都唔錯，因為有些餐廳會比較咸，但依間就適中。要加一，所以$90。