巨一麵堂 (Closed)

經過見到日本拉麵，諗住入去食中午飯，點知入到去男店員呼呼喝喝叫人掃針卡，非常冇禮貌冇安排入座完全無視客人，之後叫咗個細醬油拉麵加細炸豬扒飯，之後嗰個店員拎起門口地氈喺度拍，再用漂白水拖地，搞到好臭，搞咗好耐清潔手都唔使就拎水同匙羹比各個客人，之後等咗成10分鐘個拉麵終於到，先飲過湯，完全唔知咩怪味，再試下啲叉燒完全好似擺咗好耐有酸醙味，放唔到入口，啲拉麵就係公仔麵嗰種，再嚟過炸豬扒飯，啲炸豬扒好薄又硬，炸到黑晒，塊紫菜又潮濕左，係啲飯算正常，個拉麵叉燒完全放唔到入口，食咗兩啖投降，埋單70幾蚊永遠都唔會再黎，伏伏伏．·····

$81一個LUNCH係咪抵，真係見仁見智不過餐廳由門口、裝修到MENU都好有日本居酒屋，係今時今日大家都飛唔到嘅日子月頭大家鬆動少少時，不妨食餐好少少！LUNCH SET有五款揀，每款都有一碗細拉麵同一碗飯，想抵食啲，可以搵多個朋友SHARE再額外加小食佢有芝麻雞翼、八爪魚可以ORDER，仲有清酒、啤酒添！今次我就叫咗B餐，鹽味拉麵夠香之餘仲有唔少叉燒粒細炸雞飯加咗甜甜嘅醬汁，炸雞新鮮炸起，熱辣辣夠脆口！遲下晚市開番，一於搵齊朋友去飲番杯先

【 🍜鹽拉麵 】($55)～～～⏩ 呢間係位於佐敦長樂街既日式小店✨，都係屬於幾隱世既角落位置😹，細細間唔多位，但好有日本既味道同風格🙈，又係個句：好掛住日本啊‼️～～～麵條好有嚼勁好彈牙🍜，軟硬度啱啱好，仲好索湯好入味🤤！鹽味湯底帶鹹香🧂，夠味得黎又唔會太油！叉燒肉粒口感唔會韌唔會柴口🐷，肥瘦均勻又夠淋👍🏻，肉香亦好濃好出！配料都好足🤩，竹筍都幾多塊，味道非常之爽甜😋，加埋炸豬油渣夠惹味😜，仲有塊日式魚蛋片🍥，京蔥亦爽口香甜，配埋紫菜伴碟，口感同味道都幾豐富😽！～～～✅ 整體黎講，咁既價錢仲要唔收加一，食到碗拉麵都真係幾抵😝，仲要係有質素，想靜靜地享受下日系風情既推薦黎試下💛！～～～

首先個牛舌拉麵，多蔥，夠熱，牛舌大片，夠淋身，麵底夠彈牙，加咗少少黑木耳夠爽口，整體唔錯！如果加多片紫菜，成件事就會更完美喇！另外叫咗個玉子叉燒拉麵，叉燒好大片，，流心蛋亦好味👍🏻，不過呢碗麵蔥花就比較少，如果多啲蔥應該會更香！另外叫左碟餃子，煎得好香口，＄35我覺得算抵食👍🏻不過個湯麵比較鹹，所以我覺得要叫埋飲品，成件事先夠完滿。如果唔係就會比較口渴，同埋比較油膩！但係啲麵我覺得好食嘅💜💜

本身想食隔離間居酒屋，咁啱朋友行過見個呢間拉面店門口燈箱個menu 啲拉面相片好似唔錯，咁就走左入去，唉，超級大伏。食完先知原來間鋪係藝人開，同朋友傾開計先知朋友識果個藝人，我同朋友講真心可以叫佢執左佢，早執早啲止蝕離場。邊有可能食日本拉面食到有五香肉丁嘅味道（見圖）！！！！仲要個湯頭死咸/油。玉子無味，叉燒超薄又無味道/口感。唯一嘅安慰，就係啲面無乜鹼水味同埋炸得唔錯嘅牛肉薯餅..........

琴日萬聖節同男朋友一齊去食，喺佐敦近近地又想食日本野就入咗去。🤭見到一個客都冇，以為係啲咩隱世小店，結果中咗個大伏。我叫咗碗黑芝麻擔擔醬拉麵，食咗一兩啖真係苦到喊🤮，一開頭仲以為係佢獨特嘅味道，結果越食越頂唔順，成碗嘢都係苦加澀。🤢🤢忍唔住叫個店員嚟問：「係咪本身就呢個苦味」。結果佢仲要話返我「你第一次食，唔慣啲咁濃嘅味姐，你係第一個話苦嘅客喎。」大佬我覓食食過唔少黑芝麻拉麵啦，同埋屋企日日買無糖黑芝麻粉沖黎飲，我點會分唔清濃同苦嘅分別😑但疫情期間我又冇理由叫佢試返一啖對質，唯有受氣食埋啲小食算。佢收返碗麵入廚房嘅時候，我仲隱約聽到個廚師話咩係咪過期。嚴重懷疑佢哋疫情冇開門咁耐，繼續用返勁耐之前啲材料。奉勸大家呢啲非常時期想去食真係要三思😷而我男朋友嗌左碗撈麵（但又用隻杯嚟裝左啲湯），本身以為正正常常。結果佢返去嘅時候大肚痾。證明佢啲嘢食真係極度唔衛生😵又難食，店員態度又差，照收晒我哋全單錢。絕對會將呢間野Blacklist💀💀💀今次當係教訓🤧下次搵嘢食真係要睇返啲食評，搵啲有信譽嘅餐廳黎食。（下次想食黑芝麻都係返返台風食沾麵算😋😋）

適逢見完客，自己一個又唔想去人多嘅餐廳，結果經過呢間拉麵店，即管試吓～。其實我又唔覺得呢間餐廳好似google/ OpenRice 咁講到咁差;。一入去，裝修風格已經好似去咗日本咁，餐廳得一邊掛滿晒木牌。顧客唔多， 簡直包場咁濟，十分難得可以靜靜地享受午餐我點了：1）牛舌拉麵（醬油味）2）波子汽水牛舌拉麵唔錯，雖然有時比較薄，但係都好香口，彈牙！醬油湯底方面，唔算太濃，而飲落去嘅感覺有少少好似飲緊薯仔湯🧐同平時出邊一般嘅拉麵，唔太相似；雖然餐牌上冇寫到係用湯底主要係用咩嚟熬製，但係都感覺到一種心機喺度價錢有啲偏貴，而且餐廳其實可以播吓歌，包場嘅感覺，有種無形嘅壓力😂

見好耐放假無同媽媽出過街，所以就去佐敦附近逛逛街。唯有隨意入左一間拉麵店。呢間拉麵店標榜牛舌為自己主打，所以我地叫左兩碗牛舌拉麵，加一份炸蠔，但可惜質素都係偏中下。牛舌的確係無咩氈味！但味道一般😅！1️⃣牛舌拉麵有5塊牛舌，同少量雲耳，牛舌都切得比較薄，坦白講成碗拉麵餸/配料份量真唔夠。2️⃣拉麵份量都多，但可惜麵質一般。3️⃣拉麵湯底有鹽味同醬油味，味道都算濃，但唔知點解兩碗湯底都加左好多麻油同黑椒，兩種調味真確係令湯底香濃，但味道好似有點格格不入😅，而我碗醬油味湯底唔知點解越食越似出前一丁湯底！炸蠔就水準一般，炸粉厚，同炸蠔厚度一比一😂，而蠔🦪味道都只一般，好重油膩味，賣$46有點貴！店員態度有待改善，1️⃣店員經常要求顧客坐指定座位，即使成間舖係沒有顧客，並多番提醒🔔，讓客人感到不舒服！2️⃣用餐時，當我拍照時，我將櫈微微拉出，打側坐，店員就話我坐勢唔好，會阻礙其他人，但實情係唔會阻到店員經過。整體上覺得店員不友善！整體而言我認為食物質素表現中下而店員服務態度欠佳。唔建議大家食後記：食完夜晚我同媽媽都肚痛，應該係炸蠔D油唔新鮮乾淨，大家食前真要三思！

今日佐敦附近出席義工團體開會，先約個朋友於附近食完晚飯先去， 九龍區女生名校DGS後面街，搵到間隱世拉麵店。食店位於街尾轉角位置，和式感覺，入內更覺自己首置身於日本拉麵店。店長好好人，親自介紹了幾款鎮店之寶，我自己選擇了牛舌拉麵配玉子，海鹽湯底，清清哋都唔錯，薄切牛舌十分美味，麵質爽口彈牙。朋友喜歡味噌湯底，叉燒拉麵配玉子，湯底油的份量可以揀小油，感覺冇咁肥膩。因為趕時間未能試其他小吃，下次人多啲有更多選擇。

巨一麵堂同阿仔食依間，老闆娘係日本人，唔太識聽中文。  簡單的裝修，掛滿晒木牌好舒服。環境很寧靜，我們都不敢太大聲說話。但她很有禮貌，微笑地跟我們下單。我們點了：1）牛舌拉麵（醬油味）+鰻魚飯2）鹽味拉麵（鹽味）+餃子飯先說牛舌醬油拉麵，很好味！雖然薄了一點，但很入味。醬油湯底濃厚。鰻魚飯的鰻魚側邊沒有幼骨，食得很舒服。鹽味拉鹽也不錯，清清的湯底，很快吃完。餃子🥟肉滿滿的，很快就吃完，阿仔仲要同我爭食。可能是日本人開，店鋪都帶有日本風味！

突然想拉麵，記起佐敦哩間，見佢都做咗好幾年！咁相信一定係好味道初初見無人點知入去無耐，開始越嚟越多人我哋叫咗2個套餐，加咗3隻餃子，同蟹肉炸薯餅只影了牛舌玉子拉麵。湯底係淡咗少少，不過不實😎

其實都光顧過好幾次我很少在同一間拉麵食超過三次在佐敦一個不起眼的巷仔內每次去都比較靜有好幾次更是「包場」呢.其實我又覺得呢間拉麵不是Openrice 講到咁差值得有更加好的評價.雖然湯底沒有註明是用什麼熬製、用多少時間熬製但是就有一種很令人難以忘懷的麻油香味令我想一試再試而且用牛脷代替叉燒我就是喜歡流利但不太喜歡食豬肉的人士.除了牛脷，雖然看似沒有什麼特別的賣點但就是一種很特別的味道令我再三光顧.不過又老實講價錢真的是貴了一點點Given 份量不是太多而且店的位置不再熱鬧旺區假如可以便宜一點點，或者有一個套餐優惠價錢就會更好一些而且店內環境也很欠氣氛不妨播少少日本音樂

咁啱喺附近有野做，時間未到又未食野，唔想行得遠就喺附近搵食。啱啱過咗最繁忙時間，客人唔算好多，不用等位就可入座。午巿時段會有套餐，一碗細拉麵加一碗細飯，有五款俾你揀。 啱哂有選擇困難症既我，兩樣都有得食。🔸細叉燒拉麵🔸有鹽或者醬油湯底揀，我揀咗醬油湯底，味道ok的。 叉燒就像肉丁一樣。🔸細炸豬扒飯🔸店員細心地先問我炸豬扒要等10分鐘有無問題，我覺得都無所謂，反正可以先食拉麵。應該係剛剛炸好，炸得都幾脆，不過份量比較少，同埋醬汁不多，食哂豬扒都未食哂啲白飯。總括而言, 確實無乜驚喜, 味道還好。

咁岩附近經過見到依間拉麵店，門口寫住有牛舌拉麵，覺得幾特別，所以入去試下。因為普遍都係豬骨或者叉燒。不知是店員/老闆介紹醬油湯底，因為我話唔想要咁濃味。不過，我個人就唔係太喜愛麻油，所以個湯底就唔係咁岩我。本身我以爲牛舌係爽既，因為有時去日本料理既牛舌都係爽既。但可惜依款係「林」既，所以就唔係太鍾意。如果係爽既，我相信味道會好好多。另外，我揀左溏心蛋，溏心蛋既味道都唔錯，因為有些餐廳會比較咸，但依間就適中。要加一，所以$90。

牛舌太薄同細塊唔夠厚仲有陣雪味好應該輕輕煎煎或加黑椒鹽味湯底我食到出前一丁既湯底味🤔🤔🤔唯一可喜係蔥..京蔥👍🏻👍🏻👍🏻服務都合格既🤨旦唔明點解拉麵店.普通麥茶或綠茶都冇..比杯水🥴