Video
Read full review
2018-08-03
148 views
食牛火鍋一般都只會去日式涮涮，或者稻香烚烚。可惜日式涮涮要排餐死，仲要限時，食到趕頭趕命 ；而稻香只可以一大班人先多啲選擇。朋友介紹下，原來佢屋村附近有間野好啱食。係潮汕式的牛肉鍋，即係有好多唔同部位揀果種。碟碟都係大約五十蚊左右，細細碟可以試多幾種，啱曬眼闊肚窄的我們。用 pad 落單，都幾方便。click 入小圖會有牛肉的簡介。呢個封門柳似乎唔錯，係全隻牛最濃牛味的部分。好想會下佢，可惜沽清，下次請早。有選擇困難的我們最後揀左四款牛，分別係吊龍伴 （最上）、牛駱峰 （二）、匙柄 （三）同埋黑柏葉 （最下）。每碟份量比想像中多，切得細細片但絕對唔算薄。由於牛肉比較細片，淥牛時間唔使耐，建議時間係6-8 秒 ，仲有圖解 😂👍大大隻字寫住醬料費十元，但枱面冇俾醬喎？原來係有自助醬料 bar 。種類好齊全，特色有青檸仔同鮮牛油醬油。而且夠淨淨，附近唔會黏笠笠惹蚊滋仔 ，好衞生 👍即場自制青檸蒜辣汁，夠 fresh ! 湯底叫左最簡單的牛骨清湯，點知原來用料都足，堅有好多牛骨同肉碎粒，仲有蘿蔔同粟米，啖啖都係清湯腩的鮮味和香味，都係 $38 咋，超抵！講返味道，吊龍伴 $68 ，即係肉眼邊，
可惜日式涮涮要排餐死，仲要限時，食到趕頭趕命 ；而稻香只可以一大班人先多啲選擇。
朋友介紹下，原來佢屋村附近有間野好啱食。
係潮汕式的牛肉鍋，即係有好多唔同部位揀果種。碟碟都係大約五十蚊左右，細細碟可以試多幾種，啱曬眼闊肚窄的我們。
用 pad 落單，都幾方便。click 入小圖會有牛肉的簡介。呢個封門柳似乎唔錯，係全隻牛最濃牛味的部分。好想會下佢，可惜沽清，下次請早。
有選擇困難的我們最後揀左四款牛，分別係吊龍伴 （最上）、牛駱峰 （二）、匙柄 （三）同埋黑柏葉 （最下）。
每碟份量比想像中多，切得細細片但絕對唔算薄。
匙柄
10 views
0 likes
0 comments
由於牛肉比較細片，淥牛時間唔使耐，建議時間係6-8 秒 ，仲有圖解 😂👍
大大隻字寫住醬料費十元，但枱面冇俾醬喎？原來係有自助醬料 bar 。種類好齊全，特色有青檸仔同鮮牛油醬油。而且夠淨淨，附近唔會黏笠笠惹蚊滋仔 ，好衞生 👍
即場自制青檸蒜辣汁，夠 fresh !
湯底叫左最簡單的牛骨清湯，點知原來用料都足，堅有好多牛骨同肉碎粒，仲有蘿蔔同粟米，啖啖都係清湯腩的鮮味和香味，都係 $38 咋，超抵！
講返味道，吊龍伴 $68 ，即係肉眼邊，響pad 內雲雲牛肉中算是貴貨，油脂豐富肉質飽滿又夠腍，必食。
吊龍伴
49 views
0 likes
0 comments
牛駱峰同匙柄都係 $48， 駱峰夠油香，匙柄有口感，各有風格。關鍵係切成細細片，牛筋都已經切斷了。只要控制好烚肉的時間，件件都有咬口得來唔會韌。
黑柏葉切得碎碎，同樣淥兩淥就食得，爽口彈牙！
黑柏葉
20 views
0 likes
0 comments
配菜叫了三秒響鈴， 同埋新鮮生菜，碟碟$28 好抵食。
飲品除咗一般的啤酒汽水，仲有特色釀製的手工啤。淡淡地易入口，$38 一支都貴貴地。
最後歎埋特色甜品，菊花冰粉，質感似台式的愛玉冰，但充滿濃濃的菊花味。夠曬清熱下火，食完火鍋食啲滋潤甜野好潤喉，都係$9 咋，必食推介。
菊花冰粉
18 views
0 likes
0 comments
除左多街坊，原來仲有外國人捧場客，阿 sir 真識貨✌️。
Post
