616牛肉火鍋專門店 (積富街)

Open Now

Now Closed

大圍616牛肉火鍋專門店今日人唔多叫左個套餐試下佢套餐牛嘅種類都算多另外叫多咗牛柏葉湯底味道香濃，牛肉都好新鮮擺盤幾好可以打卡環境乾淨，服務態度ok，食物質素新鮮

呢間火鍋店，周圍都有好多分店必點湯底就梗係沙嗲湯！超香濃 最後加埋個公仔麵簡直係一流我哋最鍾意就係食佢個滑蛋滑牛一定要落埋啲蛋落個火鍋湯底就變咗滑蛋沙嗲湯啲蛋仲要吸收咗沙嗲汁 超香濃 好食佢哋仲有好多唔同部位嘅牛肉都好好食不過有時候都會有好多缺貨所以都係要睇運氣至於來自其他國家嘅牛肉我就覺得唔太需要試😂

616原意係「一仆一碌，嚟淥一淥」，點知結果係「嚟淥一淥，一仆一碌」。餐飯限時100分鐘，食咗25分鐘已經想走。王牌「匙柄」、「胸口膀」、「滑尾龍」原來唔係王牌，係紅牌嚟，有渣同韌到咬唔入。叫咗烏冬，淥完居然有一餅係硬嘅煮唔開，啲豉油完全無鹹味，食完成餐飯好似無食金到嘢咁，得個牛骨湯係可取！估唔到第一次幫襯616係咁嘅體驗，以後唔會再幫襯！而朋友亦表示：幫襯咗616其他分店起碼10次，都無咁差嘅體驗，大圍店不可一不可再！

食物:4/5 環境:3/5 服務:4/5 性價比:3.5/5 食物: 最近潮式牛肉邊爐開到成巷成市, 其中呢間616算多分店既連鎖。牛肉部位款式多, 每個部位有唔同口感,口味同肉質, 睇你想食邊種。注意每個部門都碌唔同時間 先有最佳效果。食物新鮮度ok, 冇乜血水同實心, 處理得幾好。 環境: 同普遍茶記邊爐店咁上下。正正常常香港人已經迫慣, 冇乜衛生問題已經過到骨。 服務: 正常, 會主動埋位落單同介紹唔同牛既部位。 性價比: 單點形式, 每碟份量偏少, 叫下叫下都幾貴, 好處勝在可以試多幾款冷門d既牛肉部位, 可以一戰。

九點後入座，這間分店的員工很強烈地支配客人不給客人揀位的機會，即使已經到非繁忙時間入座率只是一半，員工盈將客人分別安置到很擠迫的二人枱，即使有三張空置的四人頭座位或卡位，都要將客人分配在很狹窄的二人細枱，完全沒有理會客人的感受，二人枱與人枱之間的距離只是一尺，即使客人要求員工仍堅持，態度惡劣！令人認為員工只是不想打掃大一些的枱面，而將客人分配到極細小的二人枱，即使像我們一些幫襯了超過兩三年的顧客亦感到很心淡。整個用餐過程十分之擠迫，並好像跟隔籬枱的人同一台吃飯，如果是繁忙時間我們沒有怨言，但去到即將收市的時間仍這樣對待客人10分無禮！令我以後想再去的意欲大減！另外最近推廣$48和牛，明白以此價錢不能要求高，但這些所謂的和牛口感好像牛肉乾一樣又鞋又乾，與其他在餐牌中銷售的牛肉有很大分別，這樣倒不如不要發售，令人非常失望！

最鍾意黎呢間餐廳打邊爐🍲而我最鍾意嘅就係食佢嘅牛胸肉，食落口軟滑綿綿，牛味好濃，仲有啲煙韌咬口，啱晒鍾意食牛肉嘅我，而佢哋嘅牛骨清湯用咗大量新鮮牛骨同蘿蔔，好鮮甜清香🥰

是日去了離島玩，回來5點左右，原本想去吃附近米芝蓮餐廳，但原來未開始營業，兜兜轉轉決定一試616。雖然久仰大名，但做連鎖牛肉火鍋的店舖實在太多，所以一直都過門而不入。今日見他下午茶時段仍在營業，還說6點前入座有折扣，故決定一試！因為沒有吃過這間餐廳，最後決定是一試最新的牛魔王套餐。落單才知道原來套餐是沒有額外折扣，不過不要緊，好食才是王道！牛魔王套餐包括：湯底：牛骨清湯（+＄20 可轉其他湯底）牛魔王拼盤：橫隔肌；牛駝峰；肩胛翼板；五花趾；匙柄；胸口膀；滑尾龍；熟成加拿大牛肩脊；日本和牛胸肉；毛肚；牛丸鮮蔬拼盤：娃娃菜；金菇；蜂巢豆腐；芋絲麵食（任擇其二）：公仔麵；稻庭烏冬（半份）飲品（任擇其二）：菊花桂圓露/洛神玫瑰汁/鳥梅汁/可口可樂 (Zero）/冷泡茶 （如果ig/ fb follow再送一份飲品）我們加了$20做雙併湯底，另外要一份沙嗲湯底，後來發現牛骨清湯已經很不錯，沙嗲不辣，比較適合濃味的朋友。最驚艷是他們的招牌牛肉！首先擺盤已經很靚，會根據不同部位放在不同位置，而餐桌紙也會用圖案標示好每個部位需要煮多久（本人建議多煮幾秒），非常貼心。而牛肉所有部位都超級滑嫩，牛味清甜香

⚠️⚠️寧願遲到，都唔好早到‼️‼️‼️‼️⚠️⚠️⚠️第一次見到做生意非常不老實，知道8:30後有折後才訂8:30，早幾分鐘入座落單，職員沒有任何一個人提我們幾分鐘後才落單會有折，結帳時發現沒有折，他們反而還是我們的錯，早了落單，做生意如此不老實，真的沒有下次，大家真係都要睇啱時間先可以落單‼️‼️‼️唔好比啲有心呃你嘅職員呃到，大家記住寧願遲到都唔好早去❗️❗️❗️❗️🤬🤬‼️‼️‼️‼️‼️‼️食物好食也沒有用生意態度不佳，沒有提醒也算但是他們的態度非常差，希望老闆會有所提醒，否則只會繼續流失客源，做生意還是做人請目光放遠

今次來到616大圍分店，比起我較多光顧的太和分店而言，這裡有主題裝潢，而且座位較為舒適。這次沒選牛骨清湯，但都揀了一款清淡口味的湯底 - 蟲草花冬瓜牛肉鍋。先嚐一口湯底，有淡淡牛香。牛肉方面，封門柳及金花趾是每次必點的，封門柳肉味香，金花趾好爽口！我最喜愛的616組合 - 匙柄+胸口膀！匙柄入口鮮滑，香而不膩；而胸口膀爽脆，沒什麼味道，兩者單吃並沒什麼特別，所以要一脆一嫩的夾著食！胸口膀滲入匙柄的香氣，並滲出自身的油香，這個組合是616的推介組合，果然沒介紹錯！另一樣意想不到的是，來到616也有和牛吃了！是由日本🇯🇵長野縣直送的信州和牛，有赤身、肩胛、胸肉、羽下肉及後腿肉可選。我們選了$78的赤身，雖然赤身是脂肪分布較少的部位，但仍可見其清晰的油花。赤身入口軟嫩，又不會好油膩。牛肉固然不錯，水魷亦很爽口！餃的餡料飽滿，都算OK～～～下次可以再試試其他和牛部位啊！

多款刁鑽部位可以食到**********蟲草花冬瓜牛肉鍋🐮（$68）喺香港一年四季都可以打邊爐🍲，夏天當然要食瓜，冬瓜最能夠解暑，所以打邊爐都特登揀個冬瓜湯底湯底滿滿嘅牛肉味🐮，入面嘅牛肉份量都唔少，又唔會好韌/好羶冬瓜滾到一半就已經變晒透明，好腍，索盡湯汁-信州和牛後腿肉🐮（$98）肉質鮮嫩多汁，牛味濃香，比較突出-信州和牛羽下肉🐮（$98）油脂分布平均，入口即化-牛舌🐮（$48）薄薄嘅牛舌灼幾秒就已經好彈牙-滑尾龍🐮（$48）即係牛肉再加生雞蛋，生雞蛋令到原本已經係滑牛肉更加滑溜-花雕醉牛🐮（$48）花雕醉雞就食得多，花雕醉牛幾特別牛肉勁過花雕酒醃製，酒香滲晒入牛肉入面，即使經過輕灼，酒味仍然保留到-炸魚皮🐟（$28）打邊爐必備，脆卜卜-娃娃菜🥬（$28）好適合索湯汁-萵筍（$28）新鮮爽脆鮮甜-烏梅汁（$16）酸酸微微，非常開胃，又可以解膩-日本橙味碳酸汽水（$13）

616牛肉火鍋既分店越嚟越多，依家連燒肉店都開埋😆今次試咗幾款好好食嘅牛肉，我哋8:30後入座仲有八折優惠😙醬料就每位10蚊，但佢啲醬料唔係出面就咁豉油同麻醬咁普通。佢哋嘅豉油有牛油香味，非常特別😆仲有秘製牛肉汁同埋柑桔呢啲出面好少喺醬料區見到既選擇😉 沙嗲+清湯湯底沙嗲湯底十分濃郁，無論係用嚟煮公仔麵定係油豆腐都好啱😆而清湯湯底入邊就有牛骨，蘿蔔等等。牛骨分量都唔少，而蘿蔔就好香甜，好適合解膩😋油趣魚皮魚皮好爽口😆 調味用咗花椒油，加埋少少辣椒。食落口有d麻但又唔會太辣，好夾爽口彈牙既魚皮😋牛柏葉/牛上肋/滑尾龍/黃喉/牛駝峰/胸口膀滑尾龍既牛味比較重，加埋雞蛋，撈埋嚟食就令到牛肉更加香滑😆 而牛駝峰機油香味就比較重，牛上肋既油花同肉比例就比較平均，但兩者都同樣好淋😋黃喉就係爽口，食佢脆脆嘅口感。我覺得最特別嘅就係胸口膀，呢個部位係牛胸前嘅脂肪，淥佢十幾秒就食得。食落脆口之餘仲好香牛油味🥰

✨蟲草花冬瓜牛肉鍋大圍店湯底有唔少選擇今次揀左蟲草花冬瓜牛肉鍋好足料 清澈唔油膩味道清甜✨信州和牛後腿肉來自長野縣直送信州和牛有多個部位選擇 可單點或者選擇拼盤今次揀左和牛後腿肉 油脂較少 肉質偏結實 食幾多都唔怕會好油膩✨加拿大艾伯塔牛側胸肉牛側胸肉 油花分佈較平均 肉質軟腍 帶少少油脂香✨蘇格蘭雪花胸肋雪花胸肋 油脂較少 肉味香濃 ✨牛上肋牛上肋 油脂較豐富 肉質軟嫩✨胸口膀胸口膀有啲厚度 口感帶脆 甘香十足✨黑豚濃湯餃餃皮厚薄適中 肉餡飽滿鮮味多汁✨濃汁香菇貢丸貢丸爽彈 有肉汁 香菇味清香總結：食物唔錯 牛肉選擇多環境有特色 服務正常 價錢可以

每次想食牛肉火鍋都會諗起616🐮因為香港比較少又多牛肉部位選擇而且價錢較平民嘅火鍋店. 咁就唔使每次都淨係識食肥牛啦呢度提供唔同牛肉嘅部多達20款以上. 包你唔會食到悶🥘鴛鴦沙牛湯底熔岩沙嗲湯底+牛骨清湯沙嗲湯非常香濃唔會過咸. 6公仔麵一流😂清淡啲嘅朋友可以食牛骨清湯. 係用牛骨牛尾熬製而成. 牛味好濃郁可以提升牛肉鮮味🐄信州和牛肩胛見到店舖近期推廣信州和牛. 價錢亦唔貴信州牛係來自長野縣嘅黑毛和牛. 以蘋果作為資料嘅一部份肉質會比較肥美鮮甜而且柔軟肉眼可見和牛紋理分明. 色澤均勻入口牛味香濃. 肉質鮮嫩除咗信州和牛之外我哋重叫咗：🐄牛舌🐄肩胛翼板🐄熟成加拿大牛肩脊🐄英國安格斯牛前胸肋🐄匙柄🐄響鈴🐄娃娃菜娃娃菜同響鈴係沙嗲湯嘅絕配所有牛肉都又抵又正.如果唔係個肚無位真係想食哂所有部位😂

每次想食靚肥牛就會好自然諗起616火鍋~~鍾意佢有唔同產地嘅牛肉同好多特別部位嘅牛肉可以選擇今次就嚟咗佢哋大圍嘅分店, 地點好近地鐵站, 交通非常方便~~餐既行懷舊風, 裝修好有香港懷風情, 鈎起滿滿回憶醬料 $10/位~必試秘製牛肉汁用pad落單, 有埋圖睇牛骨清湯 $62湯底清澈透明, 口感輕盈~~湯汁中含有牛骨中既骨髓同脂肪, 賦予湯底濃郁既肉香同口感味道鮮甜, 又唔會過於油膩...信州和牛肩胛 $78見到有和牛食就叫黎試下喇~呢款信州和牛由日本長野縣直採到港, 價錢好親民和牛肉質鮮嫩多汁, 有豐富嘅脂肪紋理, 令口感更加豐富熟成加拿大牛肩脊 $58熟成過程令牛肉嘅纖維更加嫩化, 肉質更加鬆軟~~特質係肉質細膩, 口感豐富而柔嫩牛上助 $68牛味香濃, 肉質幼嫩富彈性澳洲五花趾 $68肉質飽滿, 帶有爽口既筋腱, 口感爽口彈牙~~水蓮菜 $28清脆爽口, 口感脆嫩竹笙 $48白雪雪好乾淨, 吸晒湯汁既精華唐生菜 $28新鮮爽脆!!

616水準一如以往穩定，雖然我每次都分唔到食緊咩牛，但最平$48一碟，過吓口癮都好滿足😌今次驚喜嘅係個湯，我點最平嘅牛肉湯，唔知係咪因為唔係食咗好多牛（3碟），個湯到最後都仲係好清，冇乜油浮面…𢳂一碗飲，勁清甜！好飲過啲好出名嘅清湯腩😋雖然30幾度打邊爐+飲熱湯有啲辛苦，但好食同抵食就夠😋午巿有全單8折，3個人食$300左右😊