Video
Read full review
2021-12-20
74 views
#牛陣全新裝修 #變身超貼心親子火鍋餐廳 #只此一家分店限定我地一家四口提早做冬，去咗荃灣愉景新城嘅牛陣打邊爐🥰 因為知道牛陣裝修之後好方便一家大細，仲加咗小朋友自助吧！我地食咗 #澳洲產特上長期穀飼牛放題套餐（大人$279，身高90cm-140cm以小童價$109計算）。先上咗三盤牛肉、一盤牛舌、一盤豚肉，仲有一盤海鮮。特上澳洲穀飼牛真係好淋，又夠肉味。海鮮都唔差，個蟹子墨魚滑唔錯。火鍋自助吧都好豐富，餐廳提供咗三個大盤，方便分類放菜、丸同肉。丸類要提下個芥末醬爆肉魚丸（個名我改嘅😂），外層魚蛋加入wasabi好特別，yummy! 彈牙魚蛋係細細粒嗰種，一開二就可以畀小朋友食嘞。 菜就唔算好多選擇，但有我兩個女最鍾意嘅唐生菜，目測洗得好乾淨👍🏻 四人枱有個四個爐，可以一人一個窩自私食，不過我地有小朋友，叫兩個窩就夠，而且比較安全，湯底我地揀咗 #番茄湯 同 #美肌豚肉湯 （一共有四款選擇，仲有 #藥膳香辣湯 #濃厚雞白湯） #新增60cm高小朋友自助吧冬甩同我一放低袋，就出咗去自助吧「玩」，玩朱古力噴泉，同整棉花糖，成件事唔淨係打邊爐，真係玩得好開心🥳不過90分鐘放題，唔夠時間焗埋迷
#變身超貼心親子火鍋餐廳
#只此一家分店限定
我地一家四口提早做冬，去咗荃灣愉景新城嘅牛陣打邊爐🥰 因為知道牛陣裝修之後好方便一家大細，仲加咗小朋友自助吧！
我地食咗 #澳洲產特上長期穀飼牛放題套餐（大人$279，身高90cm-140cm以小童價$109計算）。先上咗三盤牛肉、一盤牛舌、一盤豚肉，仲有一盤海鮮。特上澳洲穀飼牛真係好淋，又夠肉味。海鮮都唔差，個蟹子墨魚滑唔錯。火鍋自助吧都好豐富，餐廳提供咗三個大盤，方便分類放菜、丸同肉。丸類要提下個芥末醬爆肉魚丸（個名我改嘅😂），外層魚蛋加入wasabi好特別，yummy! 彈牙魚蛋係細細粒嗰種，一開二就可以畀小朋友食嘞。 菜就唔算好多選擇，但有我兩個女最鍾意嘅唐生菜，目測洗得好乾淨👍🏻
四人枱有個四個爐，可以一人一個窩自私食，不過我地有小朋友，叫兩個窩就夠，而且比較安全，湯底我地揀咗 #番茄湯 同 #美肌豚肉湯 （一共有四款選擇，仲有 #藥膳香辣湯 #濃厚雞白湯）
#新增60cm高小朋友自助吧
冬甩同我一放低袋，就出咗去自助吧「玩」，玩朱古力噴泉，同整棉花糖，成件事唔淨係打邊爐，真係玩得好開心🥳不過90分鐘放題，唔夠時間焗埋迷你pancake同食shake shake薯條。
#Kids_and_Family_friendly設備
非常貼心嘅設備，小朋友餐具套裝嗰啲係基本啦，最貼心係門口部全自動感應三合一洗手機，先出洗手泡泡，再出水，再出紙巾！食嘢用搓手液點都唔及得洗手乾淨，呢部機真係要大大力讚👍🏻👍🏻👍🏻 而門口 #嬰兒車停泊區 有好多位，泊到成6-7架車。枱與枱之間距離都夠闊，揹住媽媽袋出入座位都好輕鬆，亦方便小朋友/老人家出入👍🏻
#擴充火鍋醬汁吧
火鍋醬汁吧好闊落，有好多款特色火鍋醬料及調味粉選擇，咁樣打邊爐先夠滋味嘛！我就斟咗甘甜橘子醬油（好好味！😋）同埋昆布醬油。
#HäagenDazs雪糕任食
食到咁上下就去筆雪糕食，怕太飽食唔落嘛，有四款揀（夏威夷果仁、焦糖脆餅、比利時朱古力、雲呢拿），你睇我張相好似冇曬咁，但我問咗職員，原來我個角度睇唔到仲有少少，食曬就會換桶新嘅😆
#飲品
打邊爐我一定要飲可口可樂，牛陣提供嘅係可口可樂（唔係百事✌🏻）、仲有Lotte芒果汁同香桃味忌廉溝鮮奶等等，如果有清熱系列就好了。
#扭蛋機小禮物
每位小朋友都得到一個銀幣🪙去扭彈彈波，又食又拎，小朋友好happy!
牛陣
地址: 荃灣青山公路荃灣段398號愉景新城3樓3002號舖
網址: https://s.openrice.com/QrbS07fm200~dadtTCEle
@gyujin_wagyu
#親子火鍋 #親子餐廳 #牛陣 #hotpot #familydinner #一人一鍋 #火鍋 #delicious #做冬 #親子好去處 #親子活動 #牛陣
1 views
0 likes
0 comments
Post
