牛一 (利舞臺廣場) (Closed)

牛一都開了一段時間，主打日式火鍋。今日經過銅鑼灣順便去試一試, 星期五的晚上7：30沒有訂檯大概等了10分鐘。火鍋限時90分鐘, 剩下15分鐘時會通知以及要埋單，夠鐘就會追你交檯，準時得很。湯底原本想揀比較特別的清酒牛蒡雞湯但賣晒，只好揀季節特色湯底--山藥栗子牛蒡湯，湯底好清...食唔出栗子應該有的甜味，冇乜特別。肉類方面我們點了＄168的美國極上牛肉及豚肉。肉類要order，但也算上得快。牛肉同豚肉冇乜肉味但係好在冇乜肥膏。可能湯底太清所以唔點豉油的話真係無味。配料有好多款式，基本上牛陣或者牛涮鍋有的牛一都有。蔬菜好多，不過丸類就真是麻麻地，完全唔彈牙。但係要讚一讚就係麵類有好多選擇。有烏冬、拉麵、蕎麥麵、素麵等等。試咗拉麵同素麵，味道都不錯。仲有白飯同和牛炒飯跟牛肉咖喱。但炒飯炒得有點硬。唔似用緊日本米。＄168嘅價錢仲包埋嘢飲，有汽水啤酒同兩款陽光紙包飲品。真係幾抵！唔止咁，甜品仲有乳酪雪糕，雪糕反而幾好味！  總括嚟講牛一都算係好抵食，以價格同食物種類取勝。但食物質素就普通啦，下次揀一個濃味啲嘅湯底可能比較好。