Video
Read full review
2021-12-23
864 views
元朗站📍牛陣-冬天成日都想打邊爐，今日去食牛陣，發現佢有個限定期間壽喜燒鍋，又幾ok喎，同大家分享下先！😋今次兩個人食$279任食90分鐘套餐：澳洲特上長期穀飼牛沖繩豚放題，一個試左限定期間嘅壽喜燒鍋，另一個要普通蕃茄湯底。壽喜燒鍋本身包左一籃蔬菜盤，而且可以無限添加日本雞蛋點壽喜燒牛肉😋濃郁嘅壽喜燒汁加埋薄薄一片嘅牛肉/牛舌，Oishi😋😋😋佢仲有個壽喜燒操作指示牌，第一次食都唔驚唔知個step！今次兩個牛魔王就冇食到豚肉，兩個人都叫左10碟牛😋正宗食肉獸🤘🏻壽喜燒汁煮蔬菜都好入味！另外個一個蕃茄湯底就淥下丸、菜、肉、烏冬、拉面同埋佢附送嘅海鮮拼盤等等，當然唔少得我最中意食嘅筍片🤤熟食都唔少，好似炸雞、薯條、關東煮、pancake仔可以任食。最緊要係有無限任食Häagen-Dazs雪糕🥶大大話話都食左7-8杯，如果雪糕係杯裝就更方便衛生🤩如果比起係日本食嘅壽喜燒就一定唔夠正宗，而且個燒盤都唔夠大，每次只可以燒到最多2片牛肉（都迫迫地），同埋牛肉有時未必可以一片片完整咁夾到出鍋。不過呢個價錢黎講一解去日本食好西嘅思念都唔錯！🤪環境方面，呢間餐廳不嬲都企理整潔，而且都坐得舒服，90分鐘慢
-
冬天成日都想打邊爐，今日去食牛陣，發現佢有個限定期間壽喜燒鍋，又幾ok喎，同大家分享下先！😋
今次兩個人食$279任食90分鐘套餐：澳洲特上長期穀飼牛沖繩豚放題，一個試左限定期間嘅壽喜燒鍋，另一個要普通蕃茄湯底。
壽喜燒鍋本身包左一籃蔬菜盤，而且可以無限添加日本雞蛋點壽喜燒牛肉😋濃郁嘅壽喜燒汁加埋薄薄一片嘅牛肉/牛舌，Oishi😋😋😋佢仲有個壽喜燒操作指示牌，第一次食都唔驚唔知個step！
今次兩個牛魔王就冇食到豚肉，兩個人都叫左10碟牛😋正宗食肉獸🤘🏻壽喜燒汁煮蔬菜都好入味！另外個一個蕃茄湯底就淥下丸、菜、肉、烏冬、拉面同埋佢附送嘅海鮮拼盤等等，當然唔少得我最中意食嘅筍片🤤
熟食都唔少，好似炸雞、薯條、關東煮、pancake仔可以任食。最緊要係有無限任食Häagen-Dazs雪糕🥶大大話話都食左7-8杯，如果雪糕係杯裝就更方便衛生🤩
如果比起係日本食嘅壽喜燒就一定唔夠正宗，而且個燒盤都唔夠大，每次只可以燒到最多2片牛肉（都迫迫地），同埋牛肉有時未必可以一片片完整咁夾到出鍋。不過呢個價錢黎講一解去日本食好西嘅思念都唔錯！🤪
環境方面，呢間餐廳不嬲都企理整潔，而且都坐得舒服，90分鐘慢慢食🤤
評分（5分為滿分）
食物：💛💛💛
價錢：💛💛💛
環境：💛💛💛💛
地址：元朗朗日路8號形點二期2樓A 218號
澳洲特上長期穀飼牛
$279
24 views
0 likes
0 comments
Post
