金銘潮州粉麵餐廳

Open Now

Now Closed

下午茶時間路過，一於搵個位坐低祭祭五臟廟。睇餐牌見到有五星級推介嘅蘿蔔崩沙牛腩”粉麵”賣$55蚊碗，二話不說馬上安排落單整番碗試吓。～ 五星級推介蘿蔔崩沙牛腩河上菜速度快，5 分鐘左右就可以正式起筷開餐。賣相不錯，要讚讚啊姐把蔥花香菜用匙羹分開上夠細心。先呷一口湯，這𥚃是傳統鹵湯做法，入口夠熱，不過個人嫌”師傅”重手咗啲。。。牛腩係雪藏貨，入口有點柴且欠油脂香，靈魂嘅籮白未夠火喉（如果可以炆多30 分鐘左右會更加好）。為有下次有機會再試吓啲牛雜啦。老實講，今時今日一碗蘿蔔崩沙牛腩河賣$55 蚊有咁嘅出品俾你唔係貴。綜合嚟講係一間連鎖中式粉麵餐廳，起碼食得飽無投訴，有機會路過試吓無妨。