麻辣小聚 (93WYS) (Under Renovation)

之前因為like咗麻辣小聚嘅社交平台,又share咗俾朋友，就可以享用$888嘅4人餐，仲會按照套餐價$888再減$200，超抵食喔！咁我仲唔拉拉聲約埋d朋友一齊過嚟食，個4人餐包括有香辣招牌炒蟹、回味水煮魚、地道樟茶鴨、干煸四季豆、拍蒜萵荀絲同是日甜蜜蜜！炒蟹炒得夠入味，蟹肉鮮甜！水煮魚份量多，麻香味重！樟茶鴨好好食好出色，好香樟木茶味，就連鴨骨都好入味！四季豆炒得軟硬度啱啱好，越食越惹味，配埋碗白飯一流！萵荀絲蒜蓉味好足，又新鮮，食幾啖中和下d麻辣味真係岩岩好，超推薦呢間啊！