滾得棧 (Closed)

天氣涼涼地最適合就係打邊爐，同朋友喺旺角行完街，決定上網睇下附近邊度有高質嘅打邊爐就搵到呢間滾得棧🤤海底椰豬骨湯拼蕃茄薯仔湯因為呢排有少少熱氣，所以我哋選咗兩個都係比較清淡湯底嘅鴛鴦鍋😊墨膠釀油條墨魚滑好彈牙，油炸鬼都炸得好脆！自己鍾意用嚟浸蕃茄湯，酸酸甜甜好開胃👍🏻招牌手切牛頸脊雖然我哋選咗例牌但原來都幾大份，油脂分佈得好靚好平均 牛味好濃郁，入口嫩滑完全唔會韌❤❤梅菜豬肉餃侍應姐姐推介，餃皮又薄又滑，梅菜好爽口味道唔錯👍🏻自製四寶丸可以一次試哂蝦丸，墨丸，牛丸同鯪魚丸😊鱔片肉質好彈牙同肥美仲要一啲腥味都無😍牛骨髓平時比較少見，入口滑捋捋好特別🤤油麥菜新鮮份量亦多✌🏻萵筍我地都好鍾意食，幾乎每次打邊爐都會點😉竹蔗水好清甜但又唔會太甜，飲完感覺上真係可以清熱氣，重點係份量真係好多，我地每人飲咗3杯都飲唔哂，超抵飲！