牛響度麵館 (Aeon Style)

Open Now

Now Closed

通常去得food court通常都係快叫、快食、快走，好少會細味品嚐食物，不過今日食到呢間位於黃埔food court入面的一間餐廳甚有驚喜！沙茶牛三寶配刀削湯麵 $70以牛骨熬成的湯底，呷一口就感受到牛味非常，值得一讚的係湯底一啲都唔油膩，無乜油花，好飲之餘又無罪惡感，正！配料方面有金錢肚、牛筋、鹵牛面頰，三款不同口感的牛肉部位，有嚼頭有軟腍有肉感，集合晒喺同一碗湯麵之中，尤其適合啲有選擇困難症的人。另外仲有溏心蛋、芫茜、蔥花、時菜，都幾豐富。炸邪惡鹵豬大腸 $38將滷得入味的豬大腸落鑊炸起，加埋好香的孜然粉，的確幾邪惡。白桃果冷泡茶 跟餐 $12 單點 $18白桃味都幾突出，茶味帶微甜。