越萊 (廟街)

Open Now

Now Closed

掛住呢間嘅河粉於是又嚟食佢嘅牛肉湯河，性價比極高嘅越南嘢，推薦！我地每人叫左個招牌湯河再加胡志明綜合拼盤，超級飽呀，朋友揀左牛萊了，包括牛腩、牛筋、生牛肉、牛丸、牛腱，全牛餐，中意食牛既朋友必點，咁多材料加埋都只係$78，個人好鍾意佢個牛筋同牛腩住得好稔，近乎入口即溶，所以好好味，另一個朋友鍾意食辣，所以叫咗順化香辣湯粉，辣得來不嗆口，同時香得黎亦惹味，套餐包埋順化菜心苗，菜心嫩口鮮美，炒過撈湯河就更好食，我就點左牛腩配招牌牛骨湯河粉，河粉吸曬濃郁牛骨湯係一流，熱柑橘蜜十分解膩潤喉，拼盤即叫即炸，春卷香脆好味，沾埋沙嗲醬就更正😁😁