Video
Read full review
2024-07-16
3239 views
每個入嚟嘅客人都問有冇爽腩，相信佢嘅爽腩應該真係好出色！平日12點半去，幸運地今日少人唔洗排隊就入得。本身想跟人試爽腩，可惜店員話爽腩要晏少少先有。清湯牛坑腩幼麵 $70牛坑腩始終會痴住啲肥膏，所以望落以為啲腩好肥。但佢每件相對幾爽口，唔痴牙，易入口唔洗咬好耐！麵質彈牙，生菜又有幾片！清湯崩沙腩河加牛丸崩沙腩相對瘦，條條分明嘅感覺，肉質結實但同樣無痴牙，一樣有牛味，份量十足。加上牛丸同樣出色，彈牙又有牛油香，難怪亦係必加項目！$8/2粒，正常價錢。河粉通透，正常！不得不提，其實最出色係佢嘅牛骨湯。唔係出面粉麵舖嘅深色腩汁，飲得出佢係又清又濃牛味嘅牛骨湯。唔會好肥膩，唔會好油，唔會過咸。難怪好多人食完個麵都會好似食拉麵咁清埋個湯，而最正係食完成餐，唔會有好口渴嘅感覺！牛骨湯真係值得大讚！！！另外佢有2款辣椒醬同樣要試，一款有沙嗲味嘅辣醬，一款係出面餃子店會有嘅菜脯辣醬。個人喜愛沙嗲風味！小總結💬大讚牛骨湯！每款牛腩都好味，而且牛丸真係必加！雖然價錢唔算好平，但一分錢一分貨，佢嘅食物係出色。如果唔洗成日排長龍就必定會成日返嚟食！(滿分為🤤x5)好味指數: 🤤🤤🤤🤤🤤抵食指數: 🤤🤤🤤🤤回頭
平日12點半去，幸運地今日少人唔洗排隊就入得。本身想跟人試爽腩，可惜店員話爽腩要晏少少先有。
清湯牛坑腩幼麵
$70
1116 views
3 likes
0 comments
牛坑腩始終會痴住啲肥膏，所以望落以為啲腩好肥。但佢每件相對幾爽口，唔痴牙，易入口唔洗咬好耐！麵質彈牙，生菜又有幾片！
清湯崩沙腩河加牛丸
$90
857 views
0 likes
0 comments
崩沙腩相對瘦，條條分明嘅感覺，肉質結實但同樣無痴牙，一樣有牛味，份量十足。加上牛丸同樣出色，彈牙又有牛油香，難怪亦係必加項目！$8/2粒，正常價錢。河粉通透，正常！
不得不提，其實最出色係佢嘅牛骨湯。唔係出面粉麵舖嘅深色腩汁，飲得出佢係又清又濃牛味嘅牛骨湯。唔會好肥膩，唔會好油，唔會過咸。難怪好多人食完個麵都會好似食拉麵咁清埋個湯，而最正係食完成餐，唔會有好口渴嘅感覺！牛骨湯真係值得大讚！！！
另外佢有2款辣椒醬同樣要試，一款有沙嗲味嘅辣醬，一款係出面餃子店會有嘅菜脯辣醬。個人喜愛沙嗲風味！
小總結💬
大讚牛骨湯！每款牛腩都好味，而且牛丸真係必加！雖然價錢唔算好平，但一分錢一分貨，佢嘅食物係出色。如果唔洗成日排長龍就必定會成日返嚟食！
(滿分為🤤x5)
好味指數: 🤤🤤🤤🤤🤤
抵食指數: 🤤🤤🤤🤤
回頭指數: 🤤🤤🤤🤤🤤
Post
