Steak Bar (Closed)

登龍街出名多野，放咗工就同朋友喺銅鑼灣行一陣街，再去搵嘢食，因為我和我同行嘅朋友都好鍾意食牛，上網見到呢間steak bar食評唔錯，就一於過嚟試吓唔好睇佢舖頭細細，裡面主打卡位，兩個人都會比四人座位你坐，唔會坐得好迫，餐枱與枱之間距離足夠，同朋友大聲啲傾偈都唔使擔心餐廳職員好細心咁介紹佢哋嘅餐牌，有二人套餐，仲有其他單點定食和小食，今日我哋叫咗兩個一人餐🍖吉列炸牛扒$188定食會包沙律和味素飯，牛扒表面鋪滿麵包糠，黎到時係一成熟，送餐嘅時候會跟一個鐵板，比你自己慢慢燒你想要嘅生熟程度，鐵板上面放左牛油，所以燒出嚟嘅牛扒特別香牛扒食落十分之juicy 同嫩滑，牛味香濃，外面有麵包糠，所以好香脆，一塊牛扒有兩種口感🥩頂級板健牛扒$215餐廳好窩心，會預先問你要唔要切成一塊塊，非常啱我呢啲懶人，牛扒叫左5成熟，火喉控制得剛剛好，牛板健牛味會比較濃，油脂分布會比較少，但食落好嫩，配埋上面嘅炸蒜一齊食非常香口，而且牛扒仲會跟埋燒汁同蒜鹽，俾你自己自由配搭總括嚟講，呢間餐廳可以滿足鍾意食牛嘅朋友，同埋好少餐廳有吉列牛扒，值得推薦記得提提大家，餐廳可以在網上預先訂座，咁就可以唔使嘥時間等位啦