Video
Read full review
2019-10-17
395 views
男人基本上都係食肉獸黎，今日同家中兩個男人去咗近近地tko gateway嘅cow bean鋸扒。呢間店為哥哥私心推介，因為佢食過一次就念念不忘啦。我地一入度去見到嘅就係煙霧彌漫，一個個鐵板餐出餐時都發出火熱嘅滋滋聲，直到食客淋上配汁時鐵板就即刻霧煙，可想而知究竟有幾熱。我地晚餐時段去都等咗大約20分鐘就入坐，侍應送上menu同一揸水，水就需要自己倒的。Menu上可以揀嘅唔多，除咗唔同國家同部位嘅牛外，仲有其他定食。我同哥哥分別揀咗澳洲肉眼扒，一個200g,一個就300g。我地亦加咗set，一個飲湯配飯，我就食薯條同另外加錢轉煙三文魚沙律。跟set亦可以自選一款飲品。呢個300g澳洲肉眼牛扒呢個係200g澳洲肉眼牛扒其實兩者分別唔大，但300g好明顯厚好多。侍應一送上食物黎 會建議我地切好牛扒先放到鐵板煎，因為牛肉送上時可能得一兩成熟，之後就由自己決定想要煎幾成熟。肉眼牛扒下面都係洋蔥用粟米，佢隔開咗牛扒同鐵板，以免牛扒會煎得太熟。牛肉入口時牛香十足，肉味香濃。同埋對於我一個女仔食200g份量已經好飽，配上香脆嘅薯條，真係好滿足。牛扒上面仲有一小片炸蒜，即刻提升咗牛肉嘅味道，兩者配搭好
呢間店為哥哥私心推介，因為佢食過一次就念念不忘啦。
我地一入度去見到嘅就係煙霧彌漫，一個個鐵板餐出餐時都發出火熱嘅滋滋聲，直到食客淋上配汁時鐵板就即刻霧煙，可想而知究竟有幾熱。
我地晚餐時段去都等咗大約20分鐘就入坐，侍應送上menu同一揸水，水就需要自己倒的。
Menu上可以揀嘅唔多，除咗唔同國家同部位嘅牛外，仲有其他定食。
我同哥哥分別揀咗澳洲肉眼扒，一個200g,一個就300g。我地亦加咗set，一個飲湯配飯，我就食薯條同另外加錢轉煙三文魚沙律。跟set亦可以自選一款飲品。
澳洲肉眼牛扒300g
25 views
1 likes
0 comments
呢個300g澳洲肉眼牛扒
澳洲肉眼牛扒200g
15 views
0 likes
0 comments
其實兩者分別唔大，但300g好明顯厚好多。
侍應一送上食物黎 會建議我地切好牛扒先放到鐵板煎，因為牛肉送上時可能得一兩成熟，之後就由自己決定想要煎幾成熟。
肉眼牛扒下面都係洋蔥用粟米，佢隔開咗牛扒同鐵板，以免牛扒會煎得太熟。
牛肉入口時牛香十足，肉味香濃。同埋對於我一個女仔食200g份量已經好飽，配上香脆嘅薯條，真係好滿足。
牛扒上面仲有一小片炸蒜，即刻提升咗牛肉嘅味道，兩者配搭好夾。 再食埋香甜嘅粟米，真係好好滿足。
而加錢換嘅煙三文魚沙律就比較失色，煙三文魚只得一塊，沙律配搭嘅汁過份地酸，食到一半已經酸到要投降，沙律菜新鮮程度一般，始終餐廳主角係牛牛，所有都冇太大期望。
整體般講好食嘅，而且性價比都屬可接受程度，值得再試。
Post
