牛知己 (Closed)

之前買完嘢經過見到幾吸引，一於今晚試吓。我哋嗌咗澳洲精選牛板健+海鮮放題，成人$268，任食90分鐘。火鍋湯底就要咗免費嘅雪濃湯，味道清淡而健康。以下就講吓我哋比較鍾意嘅～🐂 牛類最推薦澳洲精選牛板健，油脂分佈均勻，肉質鮮嫩，牛味香濃。其次可以食美國極上牛肩肉，口感相對帶嚼勁，牛味同樣突出。🐟 海鮮包括紐西蘭半殼青口、原隻白魷魚、大虎蝦同埋帆立貝。其中帆立貝味道鮮甜，大虎蝦口感彈牙。🍦 雪糕有乳酪雪糕同埋朱古力雪糕，係牛肉之外嘅另一個亮點，我encore咗好多次😋 兩者嘅口感都有少少似雪葩，乳酪雪糕嘅味道清甜爽口，朱古力雪糕就有好香濃嘅朱古力味。另外仲可以落好多配料，更加豐富～呢度有打邊爐配料、甜品同埋飲品櫃，加$88仲可以任食日本生蠔添。職員會主動幫我哋加湯同埋收碟，而且上菜速度好快👍🏻