饕牛記 (Closed)

一直都聽好多身邊嘅朋友講饕牛記嘅火鍋好新鮮好正，今次難得可以約到一班牛魔王朋友一齊嚟品嚐一下，真係好開心🥳呢度同普遍嘅火鍋店多一樣，有個自助醬料區，等大家自由配搭心水嘅醬汁。大家一坐低，二話不說即刻點左一個大牛拼盤，鍾意佢有齊晒唔同嘅牛肉部位，可以食到自己鍾意嘅部份再散叫！原來牛肉唔同嘅部份都有唔同嘅名稱，而且有啲名都好特別，話明係食牛肉火鍋嘅專門店，所以佢哋好貼心咁樣整咗一個涮牛肉既時間表俾大家做參考！真係睇1秒就變專家😹有圖有真相，啲牛肉真係非常新鮮！大牛拼盤有牛舌、牛柳粒、牛丸、牛柏葉、牛展、牛骨髓、仲有好多我未曾接觸過嘅部份！全部都牛肉味濃，有啲淋滑，有啲彈牙，有啲爽決口，口感層次豐富！大家都食不停口！食肉一定要配搭蔬菜，所以揀咗皇帝菜同埋西洋菜，雖然份量比較細但係勝在新鮮！湯底方面我哋揀咗牛骨清湯，貪佢可以試清楚牛肉嘅鮮味， 湯底本身有牛骨、白蘿蔔同埋粟米，所以就咁飲都幾鮮甜！食完個大牛拼盤之後，我哋都發現以下三款係比較牛肉味道濃啲，所以encore左，分別係脖仁、極品脖仁、肥胼。個人更偏愛有咬口既肥胼！順便再追加埋牛丸同埋一口牛柳粒😹最後再嚟左一個鑊氣十足嘅炒米粉裏面有豬肉