阿久根和牛立燒店 (Closed)

旺角白布街一帶出名多嘢食，今晚我就嚟咗呢間食黃牛燒肉嘅舖頭，名叫阿久根和牛立燒店。聽個名都感覺都日式風味，對佢哋嘅和牛好有期待。餐廳雖然唔大，但感覺客人都可以自成一角靜靜地食嘢，牆身擺滿好多清酒，不過由於我唔飲酒，所以我哋就唔叫啦。望一望Menu都有幾個套餐選擇，另外仲有牛、豬、雞、海鮮、蔬菜等等嘅日式燒烤配料選擇，種類都幾多。我哋兩個人叫咗兩個套餐，再加上一啲散叫嘅串燒同肉類，都食得飽飽。極上和牛定食：嚟到餐廳當然要試吓佢哋嘅主打和牛啦！套餐有沙律、漬物、麵豉湯、白飯同埋最最最重要嘅和牛。牛分別有四個唔同部位，分別係牛舌、牛肚、同埋兩款西冷A4和牛。和舌算係少少厚切，肉質一流，燒完好香好好味。牛肚都係第一次燒，不過感覺又好得意又好味喎，因為個皮多咗少少香脆，而裏面一樣係咁林。兩款西冷都非常有牛香同油香，一級棒！阿久根和牛涮鍋：除咗燒肉我哋都想試吓佢吔嘅shabu shabu，用壽喜燒湯底，配上烏冬、日本雞蛋、和牛、蔬菜盤，都幾豐富㗎 ！湯底好夠味，加上和牛（肉眼A4, 三角肋肉，上胸腹肉）全部都好林好味，真係好好食。烏冬又彈牙，蔬菜盤都好驚喜，除咗份量多種類多，裏面仲有透明有彈牙嘅麵