天下糧倉牛肉火鍋專門店

Open Now

Now Closed

牛魔王朋友生日，夜晚去咗呢度打邊爐慶祝👏 佢哋主打任飲任食火鍋，同時亦有雞煲供應。店內環境唔算好大但座落都幾舒服，而且通風系統都唔錯，就算坐滿人都唔會覺得好焗。湯底多選擇得地口味都比較特別，重慶翡翠綠麻辣鍋、四川紅麻辣鍋、喇沙湯、潮汕牛骨湯等，我哋要咗肉骨茶同蕃茄羅宋湯，裡面好足料，前者帶淡淡藥材香氣，後者濃稠又掛汁🍅每台都會送上牛拼盤，有齊八款牛品。最鍾意當然唔少得和牛同牛板腱，薄切，嫩滑，食完仲可以添加。自助區有多款蔬菜同丸類，食咗好多腸仔、響鈴同麵，掛滿湯底嘅精華，好好味。