一盛極牛 (Closed)

之前同朋友講起點解拉麵普遍都襯叉燒好少用牛肉呢個話題，跟住就上網揾到呢間和牛拉麵決定試下好欣賞呢度嘅裝潢，牆上貼咗好多日本電影嘅poster，而poster都調成偏黃色先印刷，再加上簡單嘅純啡色枱櫈同柔和橙黃色嘅燈光，令成件事好復古餐廳尊賣下面呢三款嘢食極牛拉麵白牛拉麵牛肉丼喺枱上有張牌仔簡單介紹所選用嘅食材，先講個拉麵先。餐廳用南天製麵嘅真空雞卵麵，所用嘅麵粉、鹼水同埋蛋粉都係來自日本。極牛拉麵我地嗌咗普通嘅醬油，兩分嘅和牛(一半刺身一半火灸)，配菜全部一份，紫菜兩份，同埋硬麵。湯底係牛骨湯，用帶骨髓嘅牛骨大火熬二十個鐘，能夠品賞到好清好純嘅牛味個人較好硬麵，但坊間有部分拉麵店即使嗌硬麵但都會煮得過淋，但呢間做到麵條分明，爽滑有嚼頭，而且相當有彈性白牛拉麵嗌咗濃味嘅醬油同白松露，兩分嘅和牛(一半刺身一半火灸)，配菜除咗紅椒絲全部一份，紫菜兩份，同埋硬麵。濃味醬油加上白松露嘅湯底確實係截然不同，湯底香而濃郁但又唔會失去牛味，兩者恰到好處，而且白松露嘅油令湯底更為漿口，令拉麵更獨特。另外，好鐘意佢地嘅荀非常入味，同埋配菜加埋拉麵令整體口感大增，好啱我呢啲食得耐會悶嘅人要讚嘅係店員服務態度