Video
Read full review
2019-07-13
287 views
✏️Seasonal Clams ($168)每一隻蜆嘅蜆肉都大大粒 而且肉質鮮嫩 冇腥味 唔會食到有沙🙆🏼♀️(最怕係呢樣😂)有別於一般嘅白酒或者忌廉汁 佢呢個汁係走泰式風格 用lemongrass同辣椒去煮 食落多咗一份清新感🤓〰️✏️Bread Josper ($48) 呢個蒜蓉包幾特別 搽喺面嘅係蒜蓉牛油🤓聞落好香濃蒜蓉味 但食落就比聞落冇咁淡亦比我一般食開嘅蒜蓉包淡味啲同冇咁鹹根據店員嘅建議 可以點埋個蜆嘅醬汁食 味道都幾夾😺〰️✏️Scallop Salad ($198)帶子嘅表面係有煎過 帶香脆口感 不過某啲位煎過咗火有些少乾帶子內裏係爽口彈牙😍個人覺得幾鮮甜啊 不過如果多多兩粒就正🤣而且我鍾意佢嘅沙律 唔會擺太過多嘅醬汁調味 蓋過咗沙律菜嘅新鮮😚〰️✏️3 Types Meat Platter ($850)-牛魔王同食肉獸見到呢個拼盤應該會非常激動🤪呢個拼盤有得一次過試三種牛肉🐮啱晒我選擇困難每樣都想試🙆🏼♀️三款牛肉嘅熟度都揀咗medium rare啊啲牛肉係用一個密封式設計嘅碳烤爐 快速高溫咁炭燒 鎖住本身嘅鮮味同埋肉汁 正🤪〰️|| CAB Striploin Dry Aged
每一隻蜆嘅蜆肉都大大粒 而且肉質鮮嫩 冇腥味 唔會食到有沙🙆🏼♀️(最怕係呢樣😂)
有別於一般嘅白酒或者忌廉汁 佢呢個汁係走泰式風格 用lemongrass同辣椒去煮 食落多咗一份清新感🤓
〰️
✏️Bread Josper ($48)
呢個蒜蓉包幾特別 搽喺面嘅係蒜蓉牛油🤓
聞落好香濃蒜蓉味 但食落就比聞落冇咁淡
亦比我一般食開嘅蒜蓉包淡味啲同冇咁鹹
根據店員嘅建議 可以點埋個蜆嘅醬汁食 味道都幾夾😺
〰️
✏️Scallop Salad ($198)
帶子嘅表面係有煎過 帶香脆口感 不過某啲位煎過咗火有些少乾
帶子內裏係爽口彈牙😍個人覺得幾鮮甜啊 不過如果多多兩粒就正🤣而且我鍾意佢嘅沙律 唔會擺太過多嘅醬汁調味 蓋過咗沙律菜嘅新鮮😚
〰️
✏️3 Types Meat Platter ($850)
-
牛魔王同食肉獸見到呢個拼盤應該會非常激動🤪呢個拼盤有得一次過試三種牛肉🐮啱晒我選擇困難每樣都想試🙆🏼♀️三款牛肉嘅熟度都揀咗medium rare啊
啲牛肉係用一個密封式設計嘅碳烤爐 快速高溫咁炭燒 鎖住本身嘅鮮味同埋肉汁 正🤪
〰️
|| CAB Striploin Dry Aged 30 days ||
對比起之後嘅45日熟成肉眼 呢款30日熟成西冷牛扒嘅脂肪比例會較低 肉質偏有咬口 肉味好濃郁 調味唔需要多 單單配上岩鹽味道已經好好🙉唔太鍾意重口味嘅朋友應該呢款幾啱口味
〰️
|| Prime Creekstone Ribeye in house Dry Aged 45 days ||
對比起頭先講嘅30日熟成西冷 呢款45日熟成嘅安格斯肉眼扒 脂肪比例更高 食落係會滿口牛肉香 當中嘅厚厚油脂真係會令到人食完齒夾留香🌝
而且個味道好特別 食到濃郁牛味之餘 仲會有陣陣微微芝士鹹香嘅感覺 好特別㗎真係🙆🏼♀️值得一試
|| Australian Blackmore ||
根據店員嘅介紹 呢款係屬於M9澳洲和牛 來頭一啲都唔細 皆因M9屬於可食用嘅澳洲和牛最高等級🤭
脂肪分佈均勻 而且口感亦都係我喺三款入邊最鍾意嘅 肉質軟淋嫩滑 咬落唔帶筋 內裏嘅牛肉油花入口散開但又唔會過份滯膩🤤
〰️
✏️Crepes ($88)
個crepe比一般嘅法式薄餅較為厚身少少 佢嘅口感偏向係班戟嘅感覺 質感較為厚實🤔
面頭嘅莓果醬酸酸甜甜 呢個配搭都ok 但味道冇話好特別 不過分量細細件 唔驚食完晚飯食太飽🤣
〰️
✏️Mocha Semifreddo ($68)
口感介乎於雪糕同mousse之間 朱古力味極為濃郁🍫
重點係要將旁邊嘅espresso倒入去☕️ 將濃得黎帶點苦澀嘅咖啡配合一齊食 剛好中和咗朱古力嘅甜 食落幾特別🙆🏼♀️
Post
