安利大排檔 (Closed)

行經安利見到大排長龍，我諗呢碗面應該大有來頭，就排埋一份啦！佢粉面既選擇唔算好多，但係就多左三文治、多士等等既野食。我地叫左坑腩河同雲吞河。佢地坑腩係切到細細舊，好方便一口一舊，第一下咬落去係爽口既，亦都夠淋同入面，但係以佢既價錢份量就真係小左d啦！雲吞河有4粒雲吞，鮮味彈牙👍🏻佢地既河粉夠薄好滑，但係就比夠容易碎。而我最欣賞係佢地既秘制辣椒醬，香味十足，辣度適中，唔食辣既男友都話好！後尾聽到隔離既食客話佢地既撈粗同多士好出名，下次真係要試下！