Read full review
2015-10-14
2118 views
今日聽同事說上環有一間將「立食」文化概念傳入到香港的牛扒餐廳。我感到好有興趣,所以緊係即刻約朋友去朝聖下喇。去到上環都用左一啲時間先搵到餐廳,果然美食都係需要尋找嘅。一到埗,我們未入去就聞到陣陣嘅煎牛扒香味當我們發現餐廳有一半是「立食」,另一半則有高椅供應,而且分設兩層,坐位並不算少。餐牌提供了五種牛肉包括有:新西蘭牛柳($0.7/g)、美國安格斯西冷($0.6/g)、美國安格斯肉眼($0.6/g)、佐賀A4和牛肉眼($1.8/g)、佐賀A4和牛西冷($1.9/g),以及最近新推出的西班牙黑毛豬鞍($1.6/g),不過豬鞍推出半價優惠現在只需 $0.8/g。每款的扒類都需由200g起計,客人可因應需要和主廚溝通大概要多少份量。客人可以從量磅砰參看,絕對唔存在呃秤。計好價錢之後,店員就會遞上一張的標貼入面有晒價錢,之後食客再向收銀交錢,然後就可以自由選擇座位坐住係度等食。又或先由半開放式嘅廚房睇下師傅嘅功架先。由於朋友同我都鬼咁肚餓。我地各自點了一份400g佐賀A4和牛西冷,同一份300g嘅西班牙黑毛豬鞍。不過由於餐廳係燒牛扒前唔會加入任何調味料,保證原汁原味。所以餐枱上供應多種不同嘅調
每款的扒類都需由200g起計,客人可因應需要和主廚溝通大概要多少份量。客人可以從量磅砰參看,絕對唔存在呃秤。
計好價錢之後,店員就會遞上一張的標貼入面有晒價錢,之後食客再向收銀交錢,然後就可以自由選擇座位坐住係度等食。
朋友叫了一個西班牙黑毛豬鞍。呢個西班牙黑毛豬鞍店員話最生可以3成熟,但朋友話唔想食咁生,所以就叫左5成熟。豬鞍入口厚實,油脂較少,但好容易切唔會拖刀,五成熟嘅西班牙黑毛豬鞍,切下去仍然是粉嫩唔會出血水嘅熟肉質,非常吸引。
之後我嘅佐賀A4和牛西冷扒就黎喇,為左餵自己個胃我就決定要400g嘅A4和牛。不過就叫左三成熟,明顯的菱角燒烤嘅烤紋,帶著淺啡色嘅肉質,真係好鬼吸引。
好彩我地頭先加左$30,要埋餐湯、沙律和白飯,價錢都化算。餐湯是南瓜湯,味道不算濃,入口太點微酸,幾開胃。。。沙律裏有胡蘿蔔絲、生菜及青瓜片,一早就已加入胡麻醬調味,入口新鮮爽脆,更解膩更健康。白飯是用日本珍珠米,不過卻煮得唔會軟淋淋,有口感,而且灑上左少少飯素,帶點芝麻的脆香和海苔的咸鹽,提升左白飯嘅吸引力。
呢間餐廳真係幾特別,都係第一次咁食客自己決定塊扒嘅重量而餐廳再根據重量再收費用嘅牛扒餐廳,而且各方面都好唔錯,等我下次有時間再帶其他朋友黎試其他扒先得
Post