Video
Read full review
2016-02-19
1193 views
APM係官塘地標，亦係我嘅主場，放工放假行街買餸都留低唔少腳毛。今晚過嚟睇完戲，眾裏尋他，就試吓呢間我從來未幫襯過嘅拉麵店。 一入門口就知間舖係由係香港人經營嘅，點解？就係爭咗句「易喇沙易孖些而」囉。店內裝修以全黑做主調，牆上少不免有裝飾品，但都帶唔出餐廳主題，純粹人有我有。不過舖面光猛乾淨，值得一讚。 叉燒拉麵@白武骨$75每次試拉麵都會食最基本嘅叉燒拉麵，因為基本嘢人人識做，但更顯師傅功夫。豬骨湯底鮮甜，稍稍油膩，叉燒同MENU張相一樣，有半隻碗咁大，半肥瘦，入口鬆化，粗身麵條夠煙韌，吸收晒湯汁一齊食，正。溏心蛋用醬油浸過，外面蛋白鹹香，蛋黃流心，又係加分位。但略嫌配料唔夠豐富，如果有粟米粒同筍就更加正。 豚角煮@白武骨$75湯底同配菜都一樣係豬骨湯，只係大大塊叉燒換上厚切豬腩肉。五花腩肉肥瘦相間，煮得入味，雖然係厚切但入口鬆化，可見煮得夠火候，比叉燒更出色。 武藏煎餃子$38餃子包得飽滿，煎得乾脆，餡料切得幼細，嫩滑多汁，除咗大阪王將，少有食到咁好食嘅餃子。 武藏炸雞配芥末沙律醬$35炸雞食得多，但原來醬汁先係關鍵
APM係官塘地標，亦係我嘅主場，放工放假行街買餸都留低唔少腳毛。今晚過嚟睇完戲，眾裏尋他，就試吓呢間我從來未幫襯過嘅拉麵店。
一入門口就知間舖係由係香港人經營嘅，點解？就係爭咗句「易喇沙易孖些而」囉。店內裝修以全黑做主調，牆上少不免有裝飾品，但都帶唔出餐廳主題，純粹人有我有。不過舖面光猛乾淨，值得一讚。
白武骨叉燒拉麵
$75
32 views
0 likes
0 comments
叉燒拉麵@白武骨$75
每次試拉麵都會食最基本嘅叉燒拉麵，因為基本嘢人人識做，但更顯師傅功夫。豬骨湯底鮮甜，稍稍油膩，叉燒同MENU張相一樣，有半隻碗咁大，半肥瘦，入口鬆化，粗身麵條夠煙韌，吸收晒湯汁一齊食，正。溏心蛋用醬油浸過，外面蛋白鹹香，蛋黃流心，又係加分位。但略嫌配料唔夠豐富，如果有粟米粒同筍就更加正。
白武骨豚角煮
$75
28 views
0 likes
0 comments
豚角煮@白武骨$75
湯底同配菜都一樣係豬骨湯，只係大大塊叉燒換上厚切豬腩肉。五花腩肉肥瘦相間，煮得入味，雖然係厚切但入口鬆化，可見煮得夠火候，比叉燒更出色。
武藏煎餃子
$38
22 views
0 likes
0 comments
武藏煎餃子
$38
26 views
0 likes
0 comments
武藏煎餃子$38
餃子包得飽滿，煎得乾脆，餡料切得幼細，嫩滑多汁，除咗大阪王將，少有食到咁好食嘅餃子。
炸雞配芥末沙律醬
$35
36 views
0 likes
0 comments
武藏炸雞配芥末沙律醬$35
炸雞食得多，但原來醬汁先係關鍵。呢份唐揚炸雞，蘸上薄漿去炸，雞肉稍稍醃過，少少鹹多多脆，中規中矩，但一食埋個芥末沙律醬，微辣清新，啲熱氣油膩感覺無晒，甜甜辣辣好開胃，成份雞即刻好食好多，依枝棒呢！
上撰黑松白鹿生貯藏酒300ml$68
少有喺拉麵店飲清酒，但食炸雞嘅最佳拍檔就係日本酒。酒味清冽，順喉，尤其今次熱飲，揮發出酒味，配炸嘢食仲滋味。
通常拉麵店都只專注做麵，小食通常係弱項，難得今日食到高水準小食，比起食到豚角煮更驚喜，下次想飲酒傾偈，又多個好去處喇。
Post
