莆田 (美麗華廣場2期) (Closed)

今日嚟到位於尖沙咀嘅莆田食飯，莆田嘅食物質素高大家一向都知，最近佢就做緊牡蠣嘅套餐。佢哋兩款海蠣嘅菜式都只要$209蚊，其實都真係幾抵食呀。海蠣煎呢道菜入口冇蠔餅咁油膩，海蠣入口鮮甜可口，有好香嘅海蠣味，加上唔會煮得過老，肉質柔軟。海蠣煮泗粉海蠣嘅鮮味入晒去粉入面，每一啖粉入口仲有淡淡的鮮香，菜式夠晒特色。福建紅菇海鮮滷麵粉麵入口彈牙，煮得好入味，又唔覺得油膩。材料方面有肉片，蝦仁，豆卜等等，夠晒豐富。脆皮雞外皮夠晒酥脆，調味調得啱啱好，雞肉又滑又彈牙，仲有肉汁添，真係好好味。整體黎講，餐廳嘅食物質素唔錯，價錢都合理。