牡蠣酒場 (Closed)

餐廳位於Tower535，主打多款自調醬料嘅日本本地牡蠣，另外有串燒、小食、意粉麵、酒等等供應～ 原來係yakiniku燒肉店嘅新品牌，一入門口就見到大大個生蠔冰櫃，未食已經覺得吸引🐷蠔有好多款式，有張日本地圖可以參考，寫曬唔同地區嘅品種同口味，十分貼心😋 Marvemon嚟自北海道，細中size ，海水味重，少creamy，食落爽口、而右邊嗰個係嚟自宮城女川，size更加細但蠔味好重，兩款各有千秋～ 雖然好熱氣但抵擋唔住叫咗好多炸物，唐揚炸雞外脆內嫩，咬落juicy，鹹度適中、灸燒明太子香脆可口，但唔建議就咁食，因為真係幾鹹吓😂 吉列豬柳有驚喜，入面真係有千層，食落唔乾、唐揚小海老一口一粒，鮮甜彈牙，值得一試、個人超推芝士薯餅，外皮脆脆，內裡軟糯，而且仲會爆漿，好開心呀🤩前菜同小食都做得幾出色，青瓜漬薯仔沙律大大份，薯仔好腍，配埋沙律醬十分開胃、蒜片欖油蘑菇同蝦嘅外表好似西餐廳見到嘅，望落好油但食落唔油膩、辛味噌燒飯團性價比高，外層燒過，帶點焦香味，飯粒偏硬但勝在粒粒分明🙈最後有串燒，雞脛柳完全無乾，雞味好出，出乎意料之外、極度推介玉子免治雞肉，咬落有口感，雞肉香濃，配上蛋黃好好食、