上海天龍樓

Open Now

Now Closed

以前經過呢頭，都會入去食下呢間老店。貪佢老字號，好味道，仲有人情味。今日再去，好似唔同哂咁。。。餐廳都係以前咁多人，不過唔使點等就有位了。照以前，都係上海三寶，另外再叫左一個小食同一個菜。上海粗炒，我今次上海碎亂炒。。。啲菜呢就粗過寬粉，有啲仲一大舊咁。肉絲就變左水碎，總知你每次只可夾麵菜肉其中一樣，佢個大細係唔會俾你一齊夾到。☹️酸辣湯，完全唔同左個味。好淡，唔酸唔辣，完全成左一啖就要放棄。。。雞絲拉皮，呢個比之前好味翻啲，塊水晶皮爽口彈牙。但個汁油左咁多既。火腿津白，以前鍾意食係因為佢整出來啲菜都好有火腿味。。。但今次你一啖火腿一啖菜先可以感受到。最重要既小籠包，形狀不一。有啲個皮一早爛左，一啲就一夾就爛，無一個食到有一啖汁。肉味都仲係幾重既。究竟係我個人大左口味變左，定呢間鋪已經物是人非？唯一無變係，食完俾錢有得抽獎，仲中左個雲吞雞添。不過都難令我再來回味。