美盛匯 (Closed)

今日去換證件，但攞完籌之後要等2個鐘先有得攞😣行過天橋見到餐廳寫住$98 任食，望入去乾淨光猛，就入去一邊食一邊等😝 主食有超過十款食物🤩🤩有飯、包、牛腩、蒜香骨、鹽焗雞、豆角炒牛肉、炒菜、炆枝竹、蒸餃子、粗糧拼盤等等，仲有湯水同糖水、涼菜前菜！每款都好足料，味道都啱口味，唔會過份重口味。另外，仲有廚房部，可以即叫即煮湯粉麵、餃子、雲吞🍜鍾意食辣嘅我就叫左碗正宗酸辣粉，入口第一啖覺得濕濕碎，但原來後勁好犀利🤪🤪~好味自助餐咁食法，$100 唔洗都真係物超所值，仲要生果類都多種類，有蜜瓜、啤梨、布冧仔、龍眼。對比喺灣仔區食個常餐、碟頭食抵好多😚