雪村串燒 (Closed)

又一城L1層的雪村午餐都算幾有水準。(注意:又一城是以迷幻樓層見稱,所以L1不是地鐵上一層。)葱吞拿魚腩飯定食($120)有湯有沙拉,仲有甜品或咖啡茶(二選一)這裡$120的午餐絕對超值。吞拿魚腩十分足料,而且味道香濃,配上少少的葱花更突顯出吞拿魚腩的鮮味。午餐的選擇十分多元,環境都十分舒適。服務員的態度同效率都值得加分。湯同沙拉都唔錯,尤其係個沙拉啲芝麻醬好香,而且分量都剛剛好。好難得有日本餐廳啲咖啡有咁既高水準。仲要係凍咖啡都咁香濃,讚。