潮丸 (Closed)

筲箕灣一向都集中多間隱世餐廳，普遍餐廳都是平、靚、正，今次去到呢間潮丸到食性價比都相當高。餐廳裝潢都相當光鮮，入到去位置都幾舒服。下午茶時段亦有多款菜式選擇。自家牛三鮮米線今次揀呢個牛三鮮味道都唔錯。內裡有牛腩、牛根、牛肚，而且份量都唔少。湯底方面以豬骨製成，豬骨湯味濃郁亦唔會覺得有味精。牛三鮮整體都非常抵食，特別牛根非常推介，因為除咗入味之外更加淋滑但不失咬口。而牛腩亦很濃郁牛味，而且唔會食落唔會散哂，整體都好滿意。