瀛豐放題料理專門店 (Moved) New Location

星期三夜晚打電話去 book 位，第一個接聽係 call 台接線生，首先要先講低自己想幾時幾月幾日幾多人訂位，然後大約兩個鐘頭之後，餐廳就會打電話返嚟確認時間。到咗星期四晚，餐廳再打電話過嚟確認一次，而且會問想食普通放題定係大閘蟹放題。星期五晚上 19:30 準時到達餐廳，Reception Area 都有大約六至七個客人在等待，同侍應報到之後，等咗大約五分鐘就有位坐低。餐廳有提供濕紙巾，不過就冇提供口罩套。餐廳以手機落單形式叫嘢食，系統界面就麻麻哋，流暢度一般，不過比起人手落單都算方便。餐廳上菜時候快，亦冇乜漏單，大閘蟹由落單到送貨，都不多於五分鐘，整個放題時段叫過四次大閘蟹，每次嘅送貨時間都好平均。餐廳方面標榜每隻大閘蟹大約有三至四兩重，現實見到都係差唔多，而且每隻都有好多膏，鮮味屬於中上，食多幾隻就好容易回本。其餘的刺身、壽司、串燒、炸物等等，質素都係屬於中上，並冇將貨就價，值得推薦。