味 日本料理 (Closed)

今日尖沙咀附近買完野想搵個地方簡單食個中午飯～想食日本嘢 又唔想太破費 見到海防道熟食中心呢度開咗一間主要做外賣嘅日式餐廳 門面唔大不過睇落幾乾淨企理 門外有兩個位置可以坐下 睇吓個餐牌價錢有幾抵喎 一於同朋友試吓先同老闆傾咗幾句～老闆推介呢度嘅肉食方面可以試吓黯然銷魂叉燒同埋沖繩豬軟骨～呢度嘅食材同醬料幾乎全部都係自家製作 有誠意叉燒同埋豬完骨都好有水準 叉燒係用靚嘅梅頭肉去製作嘅 燒到有少少濃邊啱啱好 叉燒醃得好入味 正沖繩豬軟骨味道甜甜地有麵豉嘅香味 好淋好滑入口即溶之後再試左軟殼蟹鰻魚卷～即叫即做 配埋牛油果沙律醬加香脆軟殼蟹 好味主食方面叫咗湯烏冬同埋雞湯咖喱飯 雞湯咖喱飯值得推介 食得出有淡淡的雞湯味 鮮甜惹味 烏冬好彈牙～ 最後有少少口痕想試吓壽司 夥計話呢度嘅玉子壽司係自己用蛋漿煎成蛋卷製作的 唔係就咁買現成返嚟 叫咗兩舊試吓 蛋味好濃！估唔到呢度嘅壽司會用赤酢 有誠意之作～下次再過嚟試吓佢嘅壽司先！