嵩記牛什

Open Now

Now Closed

呢間舖頭平時成日行過都冇入過去，點知有日凌晨12點幾，個friend拉咗我入去，仲話呢間野好好食。結果食完今次，呢間野就成為咗我宵夜之選。首先個男店員（唔知係咪老細）好有禮貌，對客人親切仲好有同理心。做你一碗$30牛腩麵嘅生意，有咁嘅服務而家真係冇乜可能。牛腩嘅分量多，有筋膜少少肥肉，麵爽口彈牙。怕肥可以同佢講要瘦腩，怕麵硬又可以叫佢煮淋啲。店員一啲脾氣都冇，你肯講佢就做比你。$30咁嘅服務去邊度搵？仲要係好食，絕對物超所值！利申一下，我食親都係夜晚11點後，11點前個用餐體驗有冇可能會變？呢個我就唔知啦。