醉翁亭火鍋館 (Closed)

今晚邊個都唔可以阻我收工啊！點解？因為我放工之後要去打邊爐！朋友介紹太子有一間新開嘅餐廳二百蚊打邊爐任飲任食，仲要幾高質數咁，所以決定去試下！一去到餐廳，就見到個好大嘅電視，環境同裝修都唔錯，坐得好舒服。我哋先叫個鴛鴦火鍋，一邊係芫茜鍋，一邊係沙嗲鍋，可以兩邊都食下咁，好正喔。除咗邊爐之外，我哋仲包咗一個刺身拼盤，一人一隻蠔皇扣鮑魚，一人一隻至尊水餃王，仲有一大碟極級牛頸脊，真係好抵食！除咗呢啲火鍋配料之外，仲有好特別嘅鴕鳥肉，原來食落一啲都唔韌，仲好稔㗎！呢度仲有一樣好正嘅，就係可以任叫竹笙！竹笙索哂啲湯汁，食落好juicy，好正呀！佢呢度嘅海鮮都好新鮮，有蝦、青口、鯇魚片、魷魚同貝類海產等，如果你係墨魚嘅fans，一定要食下呢個墨魚滑，又可以玩，又可以食，一舉兩得！除咗食物，飲品都係任飲㗎，有紅茶、汽水等等！總括今次邊爐，四個字：物超所值！大家一定要試下！