一休(居食屋)日本料理 (38廣場)

Open Now

Now Closed

喺旺角行完街，到中午時候緊係去搵下好野食，咁啱經過山東街38號廣場，俾一休和尚同埋個menu吸到住，就上咗去一樓食lunch了。店內佈置充滿日本🇯🇵色彩，座位寬闊舒適，唔會覺得迫夾。🌟🌟Order食物用最方便的QR code, 可以慢慢揀👍🏻🤩食物選擇非常之多，有拉麵、咖喱飯、烏冬、魚生飯、天婦羅、燒物，應有盡有。我同friend 最後揀咗牛肉辛辣湯底拉麵，角切魚生飯、牛油果軟殼蟹卷、鐵板牛油什菇、餐飲有熱黑糖薑母茶，凍京都抹茶鮮奶。🍜牛肉拉麵揀咗辛辣湯底（🌶️大辣），麵量分量十足，辣味十足。🌟🌟角切魚生新鮮，角切的size 頗大粒😍🌟🌟肥美軟殼蟹外脆內軟，配上牛油果軟滑的口感，非常好味。🌟🌟牛油什菇香口爽脆，都係大大份。