Video
Read full review
2019-08-04
119 views
石燒牛排係呢一兩年越開越多，一般比人既感覺都幾貴，但今日竟然俾我發現係深水埗都開左一間，而且價錢唔貴，最平$80有交易，一於擔當試伏器試下有無伏先。一入門口右手邊就會見到有部係日本常見既自助點餐售券機，點選自己喜愛既牛排之後就入錢，最後將單據交俾店員就入座慢慢等食。餐廳走日本風格，門口有大大個紅色燈籠，用餐部分就以紅色為主調，牆身掛有好多日本風既旗幟，播著日本流行音樂，彷彿置身於日本。餐廳採用半自助形式服務，設有自助區供應沙津、白飯、牛肉湯、醬料，檸檬水。餐具亦都擺放左係呢一區，記得食之前係呢度拎定啦。好快食物就送到檯上，滋滋聲既牛排上有一塊用竹籤串起既廚房紙巾防止D油彈落身上。今次我叫左「牛肩肉眼180g」。牛肉上檯時已經燒左一成熟，裡面仍然係生的，客人要自己用石板上既熱力將肉燒到自己喜愛既生熟程度。呢塊牛肩肉眼帶少少脂肪，咬落好嫩同juicy，肉味好濃，以呢個價錢黎講絕對係有驚喜。切成小塊後好快已經熟左，但係牛肉依然好嫩口，一D都唔鞋。自助區供應三款醬料: 自家製燒汁、黃芥末、辛味燒汁。另外每張檯上面都有黑胡椒同岩鹽供應，但係個人覺得唔洗點任何醬都已經好好味。180g對女仔黎講已經
石燒牛排係呢一兩年越開越多，一般比人既感覺都幾貴，但今日竟然俾我發現係深水埗都開左一間，而且價錢唔貴，最平$80有交易，一於擔當試伏器試下有無伏先。
一入門口右手邊就會見到有部係日本常見既自助點餐售券機，點選自己喜愛既牛排之後就入錢，最後將單據交俾店員就入座慢慢等食。
餐廳走日本風格，門口有大大個紅色燈籠，用餐部分就以紅色為主調，牆身掛有好多日本風既旗幟，播著日本流行音樂，彷彿置身於日本。
餐廳採用半自助形式服務，設有自助區供應沙津、白飯、牛肉湯、醬料，檸檬水。餐具亦都擺放左係呢一區，記得食之前係呢度拎定啦。
好快食物就送到檯上，滋滋聲既牛排上有一塊用竹籤串起既廚房紙巾防止D油彈落身上。
今次我叫左「牛肩肉眼180g」。
牛肩肉眼180g
11 views
0 likes
0 comments
牛肉上檯時已經燒左一成熟，裡面仍然係生的，客人要自己用石板上既熱力將肉燒到自己喜愛既生熟程度。
牛肩肉眼
$80
23 views
0 likes
0 comments
呢塊牛肩肉眼帶少少脂肪，咬落好嫩同juicy，肉味好濃，以呢個價錢黎講絕對係有驚喜。
牛肩肉眼
24 views
0 likes
0 comments
切成小塊後好快已經熟左，但係牛肉依然好嫩口，一D都唔鞋。
牛肩肉眼
9 views
0 likes
0 comments
自助區供應三款醬料: 自家製燒汁、黃芥末、辛味燒汁。
另外每張檯上面都有黑胡椒同岩鹽供應，但係個人覺得唔洗點任何醬都已經好好味。
180g對女仔黎講已經好夠，另外只食左一碗白飯同一碗沙律，飲左兩杯水已經好飽。
總括黎講，牛極係值得下一試同會回頭既餐廳。👍🏻
Post
