中華滙館 (Closed)

今日放工突然好想食中菜所以就試下食呢間雖然話係中菜，地方裝修都一啲都唔傳統，菜色都好新𩓙特別。首先坐低侍應就問我地要咩茶。佢list左幾隻之後，我地覺得佢既自家制冷泡烏龍茶最特別，所以就揀左泥試下。佢既味道好甘香，而且十分解渴，絕對係非一般茶樓用既茶。我地見menu咁多野，就捒左幾款出面食唔到既菜色。首先泥既係滷水鵝肝。鵝肚平時食得多，但係真係未試過中西合璧咁食，估唔到其實佢地出奇地夾！入口首先有香香既滷水味(話哂都浸左好耐)，好入味，咬落鵝肝既味道同佢獨有既質感先慢慢出泥，真係好有驚喜。之後我地又叫左鹿兒島豚肉叉燒,比起普通叉燒，佢呢度既叉燒真係好鬆軟，好林，煙韌得泥好有肉味。就連叉燒呢樣咁普遍既菜色都做得好特別。之後驚喜不斷，下一道菜係花鵰醉⋯乳鴿。首先，道菜上既時候都已經覺得佢色味俱佳。原來佢地係用三十年既高級花鵰去泡製呢道菜，唔怪得知食落除左好重既乳鵨肉味之外，香香既既花鵰味真係齒頰留香，唔會好似平時普通醉雞既酒味咁，好快散發哂。而佢既古法燜鱔同三蔥燜和牛肩肉都燜得好入味而且好林，一啲都唔痴牙！上湯蝦球伊面個蝦球好爽口同有鮮味，食得出係好新鮮。最後，我地都叫左佢地好出名既即焗蛋