Wagyu (Closed)

昨天星期日約了契媽行街街，首站在中環，見鏞記人山人海，便改變行程打算帶她上 the Flying Pan 試吓我喜歡的 egg benedict，行到一半見到此店特別多人，便就著 "多人幫襯唔會太差" 的心態試吓。我們要了一份 egg benedict with salmon and spinach (始終都係要食) 和一份 "Wagyu Burger Like No Others" 的所謂和牛漢堡。因契媽不喜太生的肉，便要 medium well，但出來的效果卻是過熟到同小女子的荷包一樣 "乾硬化"，但又神奇地見到有血水流出 "_"；而 egg benedict 的 poached eggs 是放在一片 toast 之上，但塊多士同件漢堡一樣患上 "乾硬化" 症候群，連個 hollandaise sauce 都 "杰撻撻" 冇神冇氣冇丁點檸檬汁的味道，較好食嘅係d薯條 　飲品當然另計，各自一杯 ice tea 和 coffee，各盛為四十大洋 ......環境擠迫嘈雜又唔夠冷氣 (可能是因全開放式入口的關係)，附近一帶 café 多的是，此店試一次就夠。