海鮮山醉辣火鍋

Open Now

Now Closed

二人龍蝦餐$698連加一服務費醬汁等雜費埋單$800以上，扇貝變帶子已經蝕左，象拔蚌仔有沙，蜆肉唔知去左邊得返個殼。食完海鮮下面嗰層所謂火鍋料根本無嘢好食，幾件豆卜枝竹之類成功擊退食慾，如果兩個人想食飽應該要過千蚊，呢個價錢唔會考慮再食，味道麻麻，食蒜味同辣味而已，海鮮新唔新鮮好難講至少唔係雪藏。整體上唔係嫌佢貴，只係覺得性價比低。深知出街食飯係食人工，但係呢個價錢感覺賺得太盡，海鮮成本假設全部都係新鮮只係三百以下，建議薄利多銷好過無回頭客。